ایران: امریکا ته د سفر محدودیت ایران ته سپکاوی دی
( کابل ټکی کام ۱۳۹۵ سلواغه ۱۰) صابر خپلواک
د امریکا ولسمشر څو ورځې وړاندې یو فرمان صادر کړ چې په کې په مسلمانانو امریکا ته د تګ بندیز وو، د دې فرمان په مقابل کې دایران داسلامی جمهوریت خارجه وزارت بیګا دیوې اعلامیې په خپرولو سره اعلان وکړ، امریکا ته د مسلمانانو د سفر لپاره د محدودیت په رامینځته کولو کې د دغه هېواد د حکومت فیصله به ، د امریکا د ولس د امنیت د ساتلو او دغه راز د ترهګرۍ سره د مقابلې له ادعا سره سره ، په تاریخ کې افراط پالو او د هغو ملاتړو ته د یوې ډالۍ په توګه ثبت شي .
ایران د دې فرمان په صادرولو ویلي، چې امریکا زموږ سره کینه لري، او همدا ددې ښکارندویي کوي چې امریکا ایران ته سپکاوی کوي او د هغوی اصلیت را ټیټوي.
د ایران د خارجه وزارت په دغې اعلامیه کې راغلي دي، د امریکایي حکومت فیصلې د ایران د ولس په نښه کولو او د هغو د ښکاره سپکاوي په موخې سره د ایران له ولس سره د دوستۍ په باب د امریکا د مخکینیو تکراري ادعاګانو پوچوالی یو ځل بیا نندارې ته وړاندې کړی دی او په ټوله نړۍ کې له ټولو ایرانیانو سره د امریکا په حاکمیّت کې یو ډول د کینې اوکرکې ښودنه کوي .
