د پکتیا ولایت په ډنډ پټان ولسوالۍ کې اوس هم په شدت سره جګړه روانه ده
کابل ټکی کام ۱۰عقرب/۱۳۹۴
احمدالله مهاجر
د پکتیا ولایت د ډنډ پټان ولسوالۍ ځايي خلک وايي چې په غه ولسوالۍ کې د افغان عسکرو پر پوستو طالب جنګیالیو وسلوال بریدونه پیل کړي دي، چې دواړو لوریو ته یې درنه مرګ ژوبله اړولې ده.
د پکتیا ولایت د ۴۰۲ سرحدي زون قومندان عبدالبصیر خپلواک د رسنیو له لارې خبر ورکړی دی چې په دغه نښته کې یې طالب جنګیالیو ته مرګ ژوبله اړولې ده، او دا هم مني چې د دوی ۴تنه پولیس ټپیان دي.
د امنیتي چارواکو له قوله چې د پکتیا ډنډ پټان ته د طالب جنګیالیو په وړاندې د جګړې کولو لپاره یې تازه دمه قوه لېږلې ده.
د ځايي خلکو پر وینا چې طالب جنګیالیو د دغه ولایت مرکز ته څېرمه د شپږو ولسوالیو غځېدلې لارې تړلي دي.
خو طالب جنګیالیو یې تر اوسه پورې په اړه څه ندي ویلي…
