صومالیه کې الشباب ډلې د حملې په ترڅ کې ۱۹ تنه وژلي اوټپیان کړي دي
(کابل ټکی کام :یکشنبه ،لړم ۱۰ ،۹۴ ۱۳ل)
صومالیه : جنګ ځپلې پلازمینه «موګادیشو» کې په یوه هوټل باندې د الشباب ډلې لخواد حملې په ترڅ کې ۹ تنه صومالیايي وژل شوي او ۱۰ تنه نور ټپیان شوي دي .
د دغې حملې مسؤلیت دالشباب ډلې چې القاعدې جهادي تنظیم پورې تړاو لري منلی .
د اسوشيټيډپریس خبري آژانس د یوه پولیس افسر له قوله وايي چې، لومړی یوه سرښندونکي خپل منفجره مواد چې په یوه نقلیه وسیله کې بار وه د هوټل دروازې سره منفجر کړل او موانع لرې شوي پاتې سرښندونکي هوټل ته ننوتل او هوټل کې يي ناتاره ډزې پیل کړې، په پایله کې يي لږترلږه ۹ تنه ووژل او ۱۰ تنه نوريي ټپیان کړل .
بلې خوا د فرانس پریس خبري آژانس د وژل شو افرادو شمېره ۱۲ او ټپیانو دوه چنده ښيي .
محمد سمیع سعادت
