د انسان په ژوند کې زیاتې اړتیاوې وي چې ځنې ئې په یو څه ستونزو ګاللو او څه ئې په اسانۍ سره پوره کیدی شې . که د ورځنې ژوند د پوره کولو او اړتیا وړ ژوند کولو ته غور وکړو نو ځنې داسې اړتیا شته چې په مالي لګښت پورې تړاؤ لري چې دا ډول اړتیا پوره کول یو څه ستونزمن وي ؛ او ځنې په اسانۍ او مفت پوره کیدی شي چې ددغو وړیا اړتیاوو نه یوه روغتیائې اړتیا ده چې د سپورت او یا ورزش دلارې پوره کیدی شي.
د روغتیا ماهرینو نظر ورکړی که د ورځنی کار په دوران او یا د کار له پیلولو د مخه انسان لږ څه وخت سپورت یا ورزش ته ورکړي نو ډیرې روغتیائې ګټې ترلاسه کولای شي.
په برتانیه کې د جرنل آف کوپيشنل یوه مطالعاتې جریده د روغتیا پوهانو په نظر لیکې چې دوی د کار پر مهال دورزش کوونکو او نه ورزش کوونکو تر منځ دروغتیا پرتله وکړه هغه چاچې له کاره د مخه یا دکار پر مهال د تفریح په وخت ورزش کړی ؤ دنه ورزش کونکې په نسبت ئې ناروغي کمه او صحت ئې ښه ؤ .
ددې نه د اڅرګنده شو که انسان ورزش کولو وخت او اسانتیا ولري نو غوره دا ده چې د روغتیا سالمیت لپاره باید لږ څه وخت ورزش ته هم ورکړي
