سوريه : په بمباریو کې لږترلږه ۷۵ ولسې وګړې وژل شوي
(کابل ټکی کام ۱۳۹۶ وری ۱۵) محمد طاهر
د سوريې هیواد نه په یو رارسیدلي تازه راپور کې ویل شوي، په پلازمینه دمشق کې د بشار اسد ځواکونو د پرون سهار راهیسې هوايي بریدونه پیل کړي، چې تردا مهاله يې له ۶۰ زیات بریدونه کړي دي.
په دې بریدونو کې تراوسه د ۳۲ ولسي وګړو د وژل کیدو خبر ورکړل شوی او په لسګونه نور پکې ټپیان شوي دي.
ویل کیږي چې دا بریدونه یواځې په دمشق کې نه، بلکې د ترکيې پولې ته نږدې په ادلب ښار کې هم جریان لري.
د بشار ځواکونو په ادلب ښار کې د ګازو په یوه فابریکه بمبار کړې چې تر ۴۳ زیات کسان پکې وژل شوې او تر ۱۰۰ کسانو پکې مسموم شوي دي.
د یادونې ده، چې دمشق او ادلب ښارونو کې ډیر واک له وسله والو سره دی، خو په دې ښارونو کې عام ولس هم ژوند کوي، چې د اسد ځواکونه د وسله والو او ولسي وګړو تر منځ فرق نه کوي او هره ورځ په لس ګونه ولسې وګړې په بمباريو کې وژل کیږي.
