کابل ټکی کام (۲۸غوایي ۱۳۹۶پنجشنبه)
نن پنجشنبې د کابل په عیدګاه کې (د افغانستان خلاصون دلارې شورا) په نامه یوه لویه غونډه وشوه ، په غونډه کې ډېرو عالمانو ، پخوانيو مجاهدو قومندانانو او قومي مشرانو برخه اخيستې وه.
د افغانستان دخلاصون دلاري مشر( سیداکبرآغا) د وینا پر مهال د سیاسي بندیانو په اړه وویل ؛ چې په افغانستان کې د سیاسي بندیانو سره سخت ظلم روان دي.
هغه زیاته کړه : که ستاسو یاد وي ؛ چې کله حکومت هغه شپږ ۶کسه اعدام کړل نو بیا ما ، عبدالحکیم مجاهد ، حاجي وکیل احمد متوکیل ، ملا عبدالسلام ضعیف او داسي نورو کسانو سره مو خبره شریکه کړه او هغه ستونزه مو حل کړه.
اوس هم په دغه لنډ وخت کې په بګرام زندان کې شپږ ۶ یا اووه ۷ سیاسي بندیان مړه شوي وو ، بیا ما د محبس قمندان ته زنګ ووهلو ، هغه راته وویل ؛ چې دغه اووه ۷ کسان نه تداوي په له امله مړه سوي دي څ ځکه چې دوا نشته .
اکبراغا زیاته کړه په بګرام زندان کې دولس زره بندیان شتون لري او داسي بندیان هم شته ؛ چې دوه۲ کاله یې هم همغه یوه جوړه جامې اغوستي وي ؛ جامې نه لري !
دوی نه پایواز ته اجازه ورکوي چې جامې ورته راوړي او نه يې دوی ور کوي ؛ چې دا ظلم دی له بندي سره.
هغه دا هم وویل چې په افغانستان کې د حکومت سره په زندانونو کې (۳۶۵۰۰) سیاسي بندیان موجود دي ، چې د (سیاسي !) تور یې پري لګولي دي او ډېر سخت ظلم ورسره کوي.
اکبرآغا وویل سوله پرته له ملت څخه بل څوک نشي راوستلای نو باید دولت د ملت لوري ته رجوع وکړي او د ملت غوښتنې ومني ؛ دغه بندیان د همدغه ملت بچیان دي ؛ دلته د بل هېواد بندي نشته ټول افغانان دي .
ده دا هم وویل چې زموږ دغه شورا نه رسمي شورا ده ، نه په کوم چا پوري تړلې ده او نه تنظیم دي بلکي شورا ده د هر تنظیم خلګ پکښي شته او هر افغان کولائ شي چې دیو مشر په صفت موږ ته ددې شورا په اړه مشوره راکړي.
