فرانسه کې هم مهاله بريدونو۱۵۰ تنه وژلي
(کابل ټکی کام : هفته ( ١٣٩٤ لړم ٢۳/ ٢٠١٥ م نومبر ١۴)
تېره ورځ ناوخته د فرانسې پلازمېنې پاريس ښار کې غبرګې چاودنې او ډزې شوي چې شاوخوا ۱۵۰ تنه يي وژلي او ګڼ شمېريي ژوبل کړي دي .
ويل کيږي چې د تېرې ورځې بريدونه د پاريس په ښار مختلفو برخو کې ترسره شوي، سمدستي د فرانسي جمهور رئیس فرانسوا هولاند په ټول هیواد کې بیړنی حالت اعلان کړی او پولیسو ته يي امر کړی چې ټولې سرحدي لارې وتړي .
د فرانس پریس هبري آژانس د پاریس پولیسو له قوله ويلي دي چې لومړۍ چاودنه د یوه امريکايي سندرغاړي کنسرټ په مهال یو لوي هال کې وشوه چې ۱۰۰ تنه يي ووژل او یو شمېر يي ټپیان کړل .
په کنسرټ کې شاوخوا زرو تنو نندارچیانو ګډون درلود .
سره له دې چې د خفیفه وسلو د ډزو په اورېدلو سره یو شمېر خلک له هال څخه تښتېدلي دي بیا هم ګڼ شمېر پېښې مړه او ټپیان شول .
دغه رستورانت چې تېره ورځ کنسرټ پکې روان وه او بريدونه پرې وشول، د شارلي ابدو د مجلې دفترونه هم په دغه راستورانت کې دي .
چې د روان ۲۰۱۵ ميلادي کال په لومړیوکې د القاعدې پورې تړلي دوه وروڼو د چارلي ابدو په نامه د هغې مجلې په دفتر بريد کړی و چې د اسلام د ستر پيغمبر حضرت محمد (ص) په اړه يې توهين کوونکې کارتونو خپاره کړي و جې له امله يې ددغې مجلې د کارکوونکو په ګډون ۲۲ تنه وژل شوي وه .
او دغه راز د فرانسې پلازمېنه پاریس کې هم چاودنې شوي چې له امله يې ۵۰ تنه فرانسويان وژل شوي او ګڼ شمېر يي ټپیان شوي دي.
او یوبله چاودنه بیګاه ناوخته د لوبو یوه سټيډيم سره نزدې وشوې، چې په کې د فرانسې او جرمني تر منځ پکې د فوټبال لوبه روانه وه .
په دغه لوبه کې په زرګونو سیلانیانو ننداره کوله، د فرانسې جمهور رئیس فرانسوا هولاندهم شتون درلود خو نوموړي ته په کې کوم زیان نه ده رسېدلی .
دغه پېښه د امریکا جمهور رئیس بارک اوباما د یوې اعلامیې په خپرولو سره وغندله او د فارنسې خلکو سره يي خواخوږي اعلان کړه، او پاریس کې خپلو د سفارت کارکونکو باندې غږ وګړ چې، له سفارت نه بلې خواته ونه وزي .
بلې خواد ملګرو ملتونو عمومي سرمنشي بانکي مون په پاریس کې بریدونه غندلي دي.
د یادونې وړه ده چې تر دې دمه هیڅ کومې ډلې د تېرې ورځې بريدونه په غاړه نه دي اخیستي .
سليم بریال
