هند فضا ته ۳۱ نورې سپوږمکۍ واستولې
د رویترز آژآنس له قوله دغه سپوږمکې نن د جمعې په ورځ د هندوستان د سري هري کوټا له ښار څخه فضا ته استول شوې دي.
د دې سپوږمکیو پر مټ به د ځمکې غوره کیفیت لرونکي انځورونه واخیستل شي.
ویل کیږي دغه فضایی سپوږمکۍ د هندوستان په ګډون د څوارلسو نورو هیوادونو له پاره چې په کې ځینې اروپايي هیوداونه هم شامل دي، فضا ته لیږل شوي.
د رسنیو په حواله ویل شوي چې د هند فضايي ادارې دغه اقدام د یوې نړیوالې سوداګریزې تفاهمنامې په نتیجه کې ترسره کړي
د هندوستان لومړي وزیر، نریندرا د خپل هیواد دفضانوردانو دا اقدام دا اقدام ستایلی دی پر خپله ټویټر پاڼه یې لیکلي دي چې «تاسې زموږ ویاړ یاست». مودي په دې هڅه کې دی چې د هیواد فضايي پروګرامونه یې د کم لګښت د ټکنالوجۍ د پروګرامونو په توګه پرمخ ولاړ شي.
دا پداسې حال کې ده چې هندوستان د روان کال په فبروري میاشت کې ۱۰۴ نورې بیلابیلې سپوږمکۍ هم فضا ته لیږلې وې چې زیاتره یې د بهرنیو هیوادونو له پاره استول شوې وې.
د یادولو وړ ده چې په تیرو میاشتو کې هندوستان د سارک د هیوادونو له پاره هم یوه سپوږمکې فضا ته ولیږله
فرید افغان
