. د کورنيو جگړو له امله پدې هیواد کې ٦٥ سلنه پر بشري مرستو پاييږي چې يو شمېر يې د سختې خوارځواکۍ سره لاس او ګریوان دي او د ناروغیو په وړاندې د درملو اخیستل یې له وس تیره خبر ده
د ملګرو ملتونو د وروستي خپاره شوي راپور له مخې په دې هیواد کې شاوخوا ۲۰۰۰ د کولرا پیښې ثبت شوې دي چې له امله یې ۱۳۰۰۰ کسانو خپل ژوند له لاسه ورکړی دی.
ملګرو ملتونو خبرداری ورکړی چې که د یادې ناروغۍ د خپریدو مخنیوی ونشي ښایي ډیر ژر تر نورو هیوادونو هم ورسیږي.
سره له دې چې مرستندویه ډلې په يمن کې له خورا سختو شرايطو سره مخامخ دي ځکه له دوو کلونو راهيسې روانې کورنۍ جگړې د دغه هېواد روغتيايي چوپړونه او د حفظ الصحې سيستم له منځه وړی دی خو بیا هم روغتیایی ډلې ډاډ ورکوي چې دوی د دغې ناروغۍ د خپراوي بهير څاري او سيمې ته د چټک غبرگون ډلې استوي چې کور په کور وګرځي او خلکو ته لارښوونه وکړي چې په صفايۍ او د څښاک اوبو په زېرمه کولو سره ځانونه پر کولرا ناروغۍ له اخته کېدو خوندي کولاى شي.
