د راپورونو په اساس ویل شوي چې افغان تکړه لوبغاړی راشد خان د آی پي ال، څخه وروسته د برتانیا د انګلش کاونټي سیالیو کې هم واخستل شي.
له انګلستان څخه خپریدونکې ډیلې میل ورځپاڼې له قوله چې راشد ته به په انګلستان کې د ویزې اخیستل ستره ننګونه وي ،ځکه د برتانیا د کورنيو چارو وزارت د انګلش په کاونټۍ کې د هر لوبېدونکي بهرني لوبغاړي سوابق پلټي او بیا ورته د ویزې ورکولو او نه ورکولو پرېکړه کوي. که ویزه ورکړل شوه نو راشد خان به په ۲۰۱۸ کال کې په دغو سیالیو کې ولوبیږي.
د یادونې وړ ده چې برتانیا په یادو لوبو کې هر بهرني ته د “غوره لوبغاړي” ویزه ورکوي چې تګ راتګ او سفر ورته اسانه وي، خو د سوابقو پلټل یې د ویزې مهم شرط بلل کیږي.
نوموړی یواځینی افغان لوبغاړی دی چې د ویست انډیز پر وړاندې یې په یوه ورځینۍ لوبه کې د ۱۸ منډو په ورکولو سره اووه لوبغاړي وسوځول.
د یادونې وړ ده چې د راشد د پیریدلو غوښتنه د برتانیا څو لوبډلو کړې خو د لوبډلو نومونه لا معلوم نه دي.
د فرانس فرس آژانس له قوله پدې تجارتي لوبډلو کې د لومړۍ درجې لوبغاړي لوبیږي چې افغانستان یې تازه بشپړ غړی شوی.
تر اوسه افغان کرکټ بورډ او راشدخان د برتانیا په لیګ کې د ګډون په اړه څه ندي ویلي.
راشد خان تر اوسه پورې په ۲۹ یوه ورځینو لوبو کې ۶۳ لوبغاړي او په ۲۷ شل اوریزو لوبو کې ۴۲ لوبغاړي سوځولي دي.
