.
نوموړو خپل دې ایتلاف ته د ( شورای عالی ایتلاف برای نجات افغانستان) نوم ورکړی دی.
نوموړې شورا ۳۰ غړي لري چې په دریو کټګوریو ویشل شوي
نوموړو ویلي دي له نورو ګوندونه سره هم اتحاد ته چمتو دي.
د جمعیت او جنبش نوموړې شورا د څو غوښتنو په اساس تشکیل شوې چې ځینې یې په لاندې ډول دي.
د جنګي ډلو خصوصا طالبانو پرضد له حکومت او نړیوالو سره ریښتونی اتحاد.
۲ له شمال څخه د جګړې د مخنیوي لارې چارې کتل.
۳ دسولې له عالي شورا څخه حمایت.
۴ د تحول او تداوم او اصلاحاتو همګرایی دټیم ترمنځ شوي تړون ته ژمنتیا.
۵ د انتخاباتي کمیسیون په تشکیلاتو کې سمون او د رڼو ټاکنو رامنځته کیدل.
۶ د ملي امنیت د سلاکار حنیف اتمر لرې کیدل.
۷ د جنرال دوستم د حیثیت د اعادې پخاطر هغه ته واکونه ورکول. او ځینو وزیرانو ته صلاحیت ورکول
۸ په امنیتي سکتور کې اصلاحات راوستل
۸ په جنرال دوستم د هغه برید څیړل چې تیرکال په غورماچ ولسوالۍ کې ورباندې وشو او ۵۴ تنه یی ووژل شول.
۱۰ د ولسمشر لخوا په وزارتونو کې مداخله نکول او قومي تربګنیو ته لمن نه وهل.
نوموړو د خپل دې اتحاد لپاره ۸ کمیټې ټاکلې
(١) د سياسي اجرأتو او بین المللي روابطو کمیټه
(٢) دستراتیژیکو موخو او په هیواد کې د نورو ګوندونو سره د اتحاد کمیټه.
(٣) د بحران د مخنیوي لپاره امنیتي کمیټه
(٤) فرهنګي او رسنیزه کمیټه
(٥) مالى اوادارى کمیټه
(٦) حقوقي او د ښځو د چارو کمیټه
(٧) د علماء وروحانيونو کمیټه
(٨) د ځوانانو اوومحصلينو کمیټه
د یادونې وړ ده چې یاد تړون د همدې او ورته نورو غوښتنو په اساس د جنرال عطامحمدنور ، جنرال دوستم، احمدضیا مسعود، محقق، او صلاحالدین ربانی تر منځ شوی دی
بلخوا بیا د جمعیت اسلامي ګوند د انسجام شورا وایي، د دغه ګوند اجراییه رییس او د بلخ والي عطا محمد نور د دوی له مشورې پرته له عبدالرشید دوستم او محمد محقق سره ائتلاف کړی دی.
د دغې شوار د رهبرۍ شورا یوه غړي محمد صابر صادقي له ازادۍ رادیو سره دغه خبرې کړي دي. هغه زیاته کړې د دوی تر منځ ائتلاف به ډېر دوام و نه کړي. صادقي ویلي، حکومت به ستونزې لري؛ خو پر ضد یې ائتلاف د هیچا په ګټه نه دی.
صادقي د دوی تر منځ ائتلاف شخصي بللی او ویلي یې دي، دغه ائتلاف د ملي ګټو پر بنسټ نه دی رامنځته شوی.
هغه په څرګنده وویل چې دا د دوی خپل کار دی او د دغه ائتلاف په اړه له دغې شورا سره پوهاوی نه دی شوی
