امريکا: وسله وال بريد کې ۹ کسانو ته مرګ ژوبله اوښتې
(کابل ټکی کام ۱۳۹۶چنګاښ ۱۹)
د امريکا د اوهايو په ولايت کې د يوه وسله وال بريد په پايله کې ۹ کسانو ته مرګ ژوبله اوښتې ده.
د دغه ولايت پوليس وايي، وسله الو د اوهايو ولايت سنين ښار ته څېرمه پر یوه کور کې د ښځو په جوړ شوي مجلس بريد وکړ، چې له امله يې يوه ښځه وژل شوې او د ماشومانو په ګډون ۸ تنه نور ټپيان دي.
پوليس وايي، بريدګر دوه تنه وو چې په تېښه بريالي شوي او د امنيتي ادارو له لوري يې د لټون عمليات روان دي.
تر اوسه د بريد انګيزه نه ده معلومه خو په امريکا کې له تېرو څو کلونو راهيسې د تور پوستو او سپين پوستو ترمنځ تبعيضي وژنې کېږي.
پېښه د يکشنبې شپې په ۱۲ بجو رامنځته شوې ده.
د روغتيا چارواکي وايي، چې په پېښه کې د ټپي شويو ښځو او ماشومانو روغتيايي حالت ښه دی.
-الماس خدرخېل-
