فتح الله ګولن : په کودتا کې ښکیل وم،خو رهبري مې نده کړې:
د ترکې مشهور سیاستمدار فتح الله ګولن په لمړي ځل منلې چې په ترکي حکومت په شوې کودتا کې یې لاس ؤ.
نوموړي تیره ورځ د فرانسې له ۲۴ تلویزیون سره په مرکه کې وویل چې د تېر کال د کودتا په پلان کې شامل و، خو دا خبر چې د کودتا رهبري د ګولن په غاړه وه رد کړې ده.
نوموړي یوځل بیا په زغرده ویلي چې د ټرمپ په ګډون به د امریکا هېڅ ولسمشر نوموړی ترکیې ته تسلیم نکړي.
نوموړي ټینګار کړی چې دترکیې حکومت د استبداد په لور روان دی او دی د اردوغان په مشرۍ د او سنۍ ترکي ادارې سخت مخالفت کوي.
دا په داسې حال کې ده چې ترکي ولسمشر تیره ورځ مخالفین او په کودتا کې ښکیلې کړۍ په مرګ وګواښلې.
تیرکال زرګونو تنو د ترکې حکومت پرضد کودتا وکړه چې د ترکیې حکومت د کودتا مخنیوی په وخت سره وکړ. په کودتا کې شاوخوا ۲۵۰ تنه ووژل شول . ترکي حکومت د کودتاچیانو په ګډون زرګونه کسان زندانیان کړل چې لا هم دا لړۍ دوام لري.
ترکي حکومت د کودتا اصلي رهبر فتح الله ګولن وباله او له امریکا یې د نوموړي د سپارلو کیدو غوښتنه وکړه خو امریکا تر اوسه هم دې غوشتنې ته مثبت ځواب نده ویلی
