د طالب مشر ځوی په هلمند کې سرتیری موټربم برید کړی
د طالب مشر ځوی په هلمند کې سرتیری موټربم برید کړی
سرچینې وايي چې طالبانو د مشر شیخ الحدیث هبةالله اخوندزاده ځوی د هلمند په ګرشک کې په ګډو ځواکونو مرګونی موټر بم برید کړی دی.
د طالب مشر ځوی عبدالرحمن نومیده او شاوخوا ۲۲ کلن وو،.
ویل کیږي چې نوموړی د شیخ هبة الله د ټاکل کېدو تر مخه د طالبانو په «استشهادي کنډک» کې شامل شوی وو او له هغه راهیسي خپل نوبت ته په انتظار وو.
طالبانو ته نږدې سرچینو د نوموړي سرتیری برید تایید کړی او ویلي یې چې څه وخت وروسته به یې رسما ویدیو هم خپره کړي
د یادونې وړ ده چې پرون سهار طالبانو په ګرشک ولسوالۍ له څو خواوو څخه بریدونه پیل کړل چې لومړی پیل یې د نظامي موټرو «هاموي» په واسطه پيل کړ چې غبرګو چاودنو د جګړې لمړی خط مات کړ او ګډ ځواکونه شاتګ ته اړ شول.
ویل کیږي چې د شیخ هبة الله اخوندزاده زوی د قرآن کریم حافظ هم ؤ او د طالبانو په سرتیري ګروپ کې په حافظ خالد مشهور وو.
د شنونکو په آند د طالبانو د مشر د ځوی قرباني هغو چارواکو ته شه پیغام دی چې په جګړه ټینګار کوي،او خپل ځامن یې په نورو هیوادونو کې تجارت او زدکړې کوي.
