کابل: اور لګېدو پېښه کې دکانونه سوځېدلي
(کابل ټکی کام ۱۳۹۶زمری ۳)
د کابل ښار څلورمې ناحیې مربوط په میوې او سبزي منډیي کې اور لګېدلی، چې تر دې دمه يې لسګونه دوکانونه سوځولي او لا هم بل دی.
چارواکي وايي، د اور وژنې عمله سيمې ته رسېدلې او د اور په مړ کولو بوخته ده.
عيني شاهدان وايي، چې اور خورا زيات دی که ژر مړ نه شي ښايي نورې سيمې هم په لمبو کې راونغاړي.
تر اوسه د اور لګېدو لامل نه دی په ډاګه شوی، خو تر دې وړاندې دغه ډول پېښې د بجلۍ د شارتۍ له امله رامنځته شوي دي.
سرچينې زياته کړې، چې تر دې دمه چاته مرګ ژوبله نه ده اوښتې خو خلکو ته يې زيات مالي زيانونه اړولي دي.
-الماس خدرخېل-
