د پاکستاني پوځ مشر او نيکولسن د افغانستان په اړه غږېدلي
(کابل ټکی کام ۱۳۹۶زمری ۳)
د پاکستاني پوځ له لوري رسنيو ته په لېږلې خبرپاڼه کې راغلي، چې تېره ورځ د ناټو ځواکونو عمومي قوماندان جنرال نيکولسن اسلام اباد ته سفر کړی او د دغه هېواد د پوځ له مشر سره يې کتلي دي.
ويل کېږي، په دغه ليدنه کې جنرال نيکولسن او د پاکستاني پوځ مشر جنرال قمر جاوېد د افغانستان په وروستي وضعيت خبرې کړي.
د سرچينې په وينا، دغه ليدنه په راولپنډۍ کې د پاکستان د پوځ په مرکزي قوماندانۍ کې ترسره شوې او د افغانستان په وروستيو حالاتو او د افغانستان- پاکستان تر منځ د ګډې پولې په موضوعاتو يې بحث کړی.
په دغه ناسته کې دواړو لوريو د سولې لپاره په ګډو همکاريو موافقه وکړه.
سرچينې وايي، په ياده ناسته کې په اسلام اباد کې د امریکا سفير ډېويډ هيل هم ګډون درلود.
-الماس خدرخېل-
