(کابل ټکی کام ۱۳۹۶زمری ۱۴)
ولسمشر اشرف غني د ايران د ولسمشرۍ د لوړې په مرسمو کې د ګډون لپاره هغه هېواد ته ولاړ.
حسن روحاني په ايران کې د ولسمشرۍ په ټاکنو کې د دوهم ځل لپاره دغه څوکۍ ګټلې او ټاکل شوې چې د دغه هېواد د ولسمشرۍ د لوړې په مراسمو کې اشرف غني هم ګډون وکړي.
د ارګ څخه په خپره شوې خبرپاڼه کې راغلي، چې ولسمشر اشرف غني به د يادو مراسمو د ترسره کولو ترڅنګ د دواړو هېوادونو په اړيکو هم خبرې وکړي.
د ايران ولسمشر حسن روحاني نن شنبه د دغه هېواد د دوهم ځل د ولسمشرۍ د څوکۍ لپاره لوړه کوي.
له ولسمشر غني سره په دغه سفر کې په زیربنايي چارو کې د ولسمشرستر سلاکار ډاکتر همایون قیومي او د جمهوري ریاست د ویاند د دفتر سرپرست شاه حسین مرتضوي هم ملتيا کوي.
-الماس خدرخېل-
