تبصره : أبو عمر حماد
نوموړي له ډيرو تاليفاتو – تفسير الاريوبي (زبدة التفاسير)، معراج العقائد شرح ،شرح العقائد، معراج الواعظين، معراج الإسلام، معراج الأصول شرح حسامي، معراج التصوف، معراج الحجاج والمعتمرين، زبدة المسائل، زبدة النحو شرح هداية النحو، الرسالة الحقانية، سيف القهار علي المستهزئين الكفار، تنوير المسلمين، زبدة الصلوة على أشرف المخلوقات، تحفة المباركة أداب الزيارة المشاهدة في المدينة المنورة –
ريشتيا هم د نوموړي چاپ شوي اثار هر يو پخپل ځاي زيات ارزښت او لوستونكو ته ګټور ثابت شوي. له ډيرو مشكلاتو او بوختیاوو ترڅنګ دملګرو په غوښتنه او اوسنی وخت او حالاتو ته په کتو مدلل او خورا په زړه پورې يو نوی كتاب (الجامع الطيف في تحذير المسلمين من موالاة الكفار الملحدين ) وليكلو.
نوموړي په دې كتاب كې دمهمې موضوع “الولاء والبراء” په هر اړخيز ډول څيړنه کړې ، يا ده موضوع ځكه مهمه ده، چې معاصرو علماوو، طالبانو او په ځانګړې توګه مسلمانان ورسره لاس او ګريوان دي.
شيخ صيب ته دي هم الله جزاء خير وركړې چې په ياده موضوع يي قلم ته لاس كړ او ټول أمور يي په تفصيل سره لوستونكو مخ ته کيښودل، زه فكر كوم چې په ياده موضوع ليكل شوی اثر به د مسلمانانو د بيداروالي او د كفارو، ملحدينو په ځانګړې ډول منافقانو لپاره به سد سكندر وګرځي.
لوستونكو او په خاص ډول علماوو ته دا توصيه كوم چې دا كتاب په غور مطالعه كړي اميد لرم چې د دې كتاب مطالعه به د لوستونكو په ژوند مثبت تأثير وكړي او له دې لارې به دإسلامي امت د نجات او كاميابی ذريعه وګرځې .
او دمولف لپاره دي هم متعال څښتن د نجات او كاميابی ذريعه وګرځوي .
يادونه : شيخ صيب تفسير الاريوبي بزبدة التفاسير خپله سعيه “كوشش” روان كړې چې اوه (۷)جلده ليكل شوي په دې كي څلور جلده چاپ شوی، دري جلده د اقتصادي مشكلاتو له امله له چاپه پاتي دي.
