د روسيې يوه الوتکه نسکوره شوې
(کابل ټکی کام ۱۳۹۶زمری ۳۱): روسي چارواکي وايي، چې د دغه هېواد په جنوب کې يوه الوتکه نسکوره شوې او پيلوټ يې وژل شوی دی.
د دغه هېواد د اضطراري حالت ادارې ويلي، چې روبينسن آر ۶۶ الوتکې تېره ورځ د تور سمندرګي اناپا سيمه کې په غرونو کې سقوط کړی دی.
دغې سرچينې ويلي، چې په ياده الوتکه کې يواځې پيلوټ سپور و چې پکې وژل شوی او په ځمکه کې يې نور زيان نه دی اړولی.
تر اوسه د دغه الوتکې د نسکورېدو لامل نه دی په ډاګه شوی، خو چارواکي وايي چې په دې اړه يې پلټنې روانې دي.
