(کابل ټکی کام ۱۳۹۶ وږی ۷ فرید افغان)
نن ورځ شاوخوا ۱۰ بجې د کابل په نهمه حوزه کې د کابل بانک سره نږدې د حسیب الله په نامه یوه سرتیري بریدګر په راټولو شویو عساکرو چې د خپلې تنخوا د اخیستو په موخه راغلي ؤ، خپل تړلي چاودیدونکي توکي والوزول.
د کورنیو چارو د وزارت ویاند نجیب دانش رسنیو ته ویلي، چې په برید کې ۵ تنه وژل شوي او ۹ نور ټپیان دي.
عیني شاهدان وایي په سیمه کې له دولتي ځواکونو پرته هیڅوک هم نه و.
طالبانو د پیښې مسؤلیت منلی او په یوه خبرپاڼه کې یې د ۱۵ عسکرو د وژنې او لسګونو د ټپي کیدلو خبر ورکړی دی.
طالب ویاند ذبیح الله مجاهد وایي: “دکابل بانک په هغه نظامي برخه فدايي برید وشو چې دکابل ادارې د عسکرود معاشاتو لپاره ځانګړی شوي او خورا ټينک امنیت يې ساتل کیږي“
طالبانو د سرتیري برید ګر نوم حسیب الله لغمانی ښودلی او د هغه انځور یې هم نشر کړی دی.
طالبانو ویلي چې پدې ډول بریدونو سره نړیوالو، او افغان دولت ته ورښیي چې له دوی سره ولاړ ملت په هیڅ ډول د بهرنیانو شتون ته اماده نه ندي “ په دومره مصئون ځای کې استشهادي برید کول د اسلامي امارت د مجاهدینو هغه عزم څرګندوي چې د اشغالګرو امریکایانو د نوي جنګ غوښتونکي استراتيژۍ په وړاندې يې لري“
باید وویل شي چې دولتي چارواکو نن یو تن عام وګړی چې غټه ګیره یې درلوده پدې جرم چې ګواکې د بریدګر سره یې سیمې ته په رسیدو کې مرسته کړې رسنیو ته وښوده خلک وایي یاد تن د سیمې عادي اوسیدونکی ؤ.
په همدې مهال د یوه پوهنتون له داخل څخه هم څو تنه محصلین د ملي امنیت ادارې د طالب بریدګرو په تور نیولي.
د پوهنتون ملګرو یې رسنیو ته ویلي؛ نوموړو محصلینو له نورو سره په توپیر کې په مخ ږیرې درلودې او عادي یې جامې په تن وې چې د کابل ملي امنیت ادارې په دې شک چې ګواکې د وسلوالو طالبانو کسان دي توقیف کړي دي.
طالبانو ګواښ کړی چې په بهرنیانو او افغان عسکرو به بریدونه لا زیات کړي او په هر څومره خوندي ځای کې به یې په نښه کړي
“دا برید به وروستی برید نه وي؛ بلکې ان شاءالله په بهرنیو اشغالګرو اود هغو د غلامانو په خورا حساسو او مهم ځایونو کې به له دې څخه په مراتب کلک او لار ورکونکي بریدونه ترسره شي“
د طالبانو اعلامیه لیکي وروسته له هغه چې امریکا د افغانستان پر وړاندې خپله پالیسي د جنګ په تداوم را وڅرخوله او افغان حکومت یې هم هرکلی وکړ، ډلې ډلې ځوانان جذب شول ترڅو د هغوی پرضد خپله اسلامي او جهادي دنده ترسره کاندي
“ امریکایانو د جنګ غوښتنې استراتيژۍ له اعلان وروسته سلګونه استشهادي مجاهدینو ته د اهدافو د تشخیص او د بهرني تیرګر او کورني مزدور دښمن د مهمو هستو د په نښه کیدو دنده ورکړل شوي ده“
