(کابل ټکی کام ۱۳۹۶ وږی ۸ فرید افغان)
راپورونه وایي چې د لوګر ولایت په مرکز پل علم کې د چاپې په مهال یوه امریکایي چورلکه د طالبانو په رسا برید کې را نسکوره شوې.
عیني شاهدان وایي چې سیمه کې امریکایي ځواکونو غوښتل چې طالبان د ځمکې او هوا لارې محاصره کړي خو طالبان وتوانیدل چې هلیکوفتر د پورته کیدو پر مهال وولي.
د چورلکې له ویجاړۍ وروسته امریکایانو په شاوخوا کلیو بمباري کړې او تر ۲۱ پورې د سیمې خلک، ښځې او ماشومان یې وژلي او ټپیان کړي دي
د سیمې خلک وایي چې امریکایانو د چورلکې د سقوط او خپلو وژل شویو ځواکونو په غچ کې بې رحمانه بمبارۍ کړې چې لمړني ارقام ښیي چې ۱۳ کسه شهیدان او ۸ تنه نور ټپیان شوي دي.
په بمبارۍ کې د کلي ټول کورونه له خاورو سره خاورې شوي دي
طالب ویاند ذبیح الله مجاهد ویلي چې (د معلوماتو په اساس د هليکوبترې په رانسکوریدو سره ګڼ شمیر امریکايي اشغالګر عسکر وژل شوي چې شمیر يې له شلو پورته ښودل شوي، په عین حال کې د ځمکې له لارې د راغلي دښمن یوټانک هم په ماين الوزول شوي او له سپرلۍ سره له منځه تللی.)
د آیساف ځواکونو د چورلکې په سقوط او د خپلو ځواکونو د مرګ ژوبلې په اړه تر اوسه څه ندي ویلي.
باید وویل شي چې پدې وروستیو کې د امریکایي او افغان ځواکونو هوایي بمبارۍ بې مخیینې ډیرې سوې اود معلوماتو له مخې په تېرو څلورویشتو ساعتونو کې افغان ځواکونو ۱۲۰ نظامي پروازونه تر سره کړي دي د ملي دفاع وزارت ویاند دولت وزیري وايي چې هوايي بریدونه به تر دې هم ډېر شي. دا څرګندونې داسې مهال کېږي چې د ملکي وګړو د مرګ ژوبلې د ډېرېدو اندېښنې زیاتې شوې دي.
په تیرو دو ورځو کې د ښځو او ماشومانو په ګډون سلګونه ملکي وګړي وژل شوي یا هم ټپیان دي.
خو حکومت په هرڅه خاموشي ښوودلې
د دفاع وزارت ویاند د هرات برید چې لسګونه ښځې ماشومان پکې ووژل شول ټول وسلوال طالبان بللي او په وینا یې چې بمباري هم دوی کړې.
د شنونکو په آند امریکا داځل غواړي د روسانو په څیر د خپلو ځینو لاسپوڅو په ملتیا له ټول افغان ملت سره جګړې ته را ودانګي
