د امریکا په تکزاس آیالت کې په وسلوال برید کې ۸ کسان وژل شوي
(کابل ټکی کام ۱۳۹۶ وږی ۲۰ فرید افغان)
راپورونه وایي چې د امریکا دتکزاس آیالت په دالاس ښارکې د یوه بریدګر په ډزو اته کسان وژل شوي دي.
اشوشتیدپرس آژانس دسیمې د پولیسو له قوله خبر ورکړی چې د سیمې امنیتي ځواکونو د ډزو له اوریدو سره سم یادې سیمې ته ځان رسولی، کله چې پولیس ځواکونه د بریدګر لخوا پیژندل شوي نو لمړی یې پرې ډزې کړې د دواړو لوریو په متقابلو ډزو کې دبریدګر په ګډون ۸ تنه وژل شوي دي او دوه پولیس ټپیان دي.
پولیس وایي چې تر اوسه یې د وژل شویو جسدونه ندي پیژندلي او نه هم د بریدګر دانګیزې په اړه معلومات لري .
یوې عیني شاهدې ویلي چې له دیرشو تر څلوېښتو پورې ډزې یې اوریدلي دي.
پولیس وایي څیړنې یې پیل کړې او وروسته به روښانه شي چې دا برید د کومې وسلوالې ډلې کار و او که د سپین پوستو او تور پوستانو ترمنځ د پخوانۍ شخړې دوام دی.
مخکې له دې څخه راپور ورکړل شوی و چې د کلویس ښار په کتاب پلورنځي کې ډزې شوې او دوه تنه وژل شوي او څلور نور ټپیان دي.
