لیکنه: تراب افغان
د سپټمبر د یوولسمې پر ټولو ابعادو د کره معلوماتو په هکله لا تر اوسه هم توافق او “د نظر یووالی” شتون نلري او دا پېښه د ېوې لاینحل “معمې” په توګه پاتې ده.
ولې یوه خبره يقيني او له شکه وتلي چې امریکایان پرځای ددې چې د پېښې اصلي عاملين، له کره معلوماتو او شواهدو سره نړیوالو ته وړاندې او پر بنسټ يې اقدام وکړي؛ بلکې په ډېره نېرنګي او چالاکي يې ټول نړيوال کفر، او مذبذبه مسلمان هيوادونه له ځان سره متحد کړل؛ ترڅو واقعی حق پرست مسلمانان؛ اسلامي خوځښتونو اضمحلال او په کامله توګه له منځه یوسي؛ چې په دې شوم هدف او پلان کې تر ډېره حده بریالي هم شول.
د همدې شوم پلان له مخې يې لومړی پر ګران اسلامي ټاټوبي افغانستان له خپلو اشرباڼو سره هجوم او یرغل راوړ؛ او بیا یې سلسلة نور اسلامي هيوادونه او اسلامي خوځښتونه هدف وګرځول.
له بابا آدمه تر دې دمه د حق او باطل معرکه راروانه ده او لا به هم تر قيامته جاري وي؛ البته کفارو تل له دې وېرې چې په وړاندې به يې د مسلمانانو لخوا هم صف بندي وشی په ډېر مکر او فریب د معرکې بڼه تغير کړې او دا د حق او باطل معرکه يې پر یو او بل نوم نومولې.
خو د تعجب او حيرت خبره داده چې قاصر الفکره، خالي الذهنه ناخبره پر نوم مسلمانان يې غولولي او له ځان سره يې متحد کړي او له خپلو حق پرسته مسلمانو وروڼو سره يې په لومړۍ جبهه کې جنګولي او تل يې د سوند موادو کار ترینه اخستی.
په دا لنډه او نږدې زمانه کې ښه او واضحه بیلګه يې امریکايي یرغل وو چې اوائلو کې يې دا جګړه پر “صليبي جګړه” اعلان کړه.
له دې امله چې د نړۍ د مسلمانانو احساسات کم او کنټرول کړي او پرېنږدي چې په وړاندې يې امة مسلمه په واحد صف کې ودرېږي؛ نو ډېر ژر یې د “صليبي جګړې” بڼه او عنوان پر ترهګرۍ او تروريزم بدله کړه.
دا له دې کبله چې کفار له مسلمانانو سر ه هيڅکله د کفر، باطل او صليب پر عنوان مقابله او جګړه نه کولای شي او نه کټلاي شي.
بلکې لومړی به مسلمان پر یو او بل نوم بد ناموي لکه څنګه يې چې زمونږ ګران او خوږ پیغمبر “ص” ته نعوذو بالله د ساحر، مجنون او…القاب کارولي نو بعيده نده چې اوس هم پر دین او اسلام مينو سوچه مسلمانانو ته د دهشتګر ، تروریست، اسلامپال، بنسټپال او… القاب وکاروي.
لکن متأسفانه او بدبختانه چې ډېری ضعیف الایمانه او پر نوم مسلمانان د کفارو پر شعارونو ډېر ژر خطاء کېږي او بیا ډېر ژر همدا غولېدلي مسلمانان د کفارو تر ټولو اولین او مخلص متحدين شي.
د امة مسلمه ځوانانو تل ويښ، بیدار او خپل مسئوليت ته متوجه اوسئ! چې کفار د مختلفو هيوادو، ژبو او نژادونو د خپل باطل او منسوخ دین ددفاع لپاره له هر کونج او کنار ددنیا اتفاق او اشر کولای شي نو ای د امة مسلمه ځوانانو پر تاسو څه ټکه رالوېدلې چې د حق، کامل او ناسخ دين لپاره نشي متحد کیدلای؟
دا اوس چې د نړۍ په ګوټ ګوټ کې مسلمانان د کفارو له هرقسم ظلمونو، شکنجو او تعذېبونو لاندې دې چې ويډيوګانې او انځورېزې صحنې يې تاسوئ پخپله په سوشل ميډيا کې ګورئ ایا دا ټول مسلمانان دهشتګر، تروریستان، طالبان او… دي.
نو هی د امة مسلمه ځوانانو تر څو به د کفارو پر کاذبو شعارونو او نېرنګونو غولېږئ!
ترڅو به مو خپل وروڼه او خویندې د اور په لمبو کې لولپه کېږي او تاسې به یې پر رډو رډو ننداره کوئ! ترڅو به تاسې د تاندې ځوانۍ په سینګار نه مړيږئ!
پر دین او اسلام به کله غیرت کوئ!
د خپلې پتمنې خور آه او کړېکې به مو کله راپاڅوئ!
بالاخره د یو اسلامي او وجداني غیرت پر بنسټ راپاڅېږي الهي مسئولیت اداء کړئ او دېته متوجه شئ چې د “سپټمبر یوولسمه” پېښه د کفارو لخوا په تېر او نږدې راتلونکي کې د مسلمان دنسل ختمونې، اسلامي شعائرو د له منځه وړنې لپاره تر ټولو لوی اتحاد او اشر دی نو د مستسضعفو مظلومو مسلمانو پرګنو د نجات لپاره پر سر، مال، توره، قلم، ژبه او ټولو شته امکاناتو راودانګئ او نور د نندارې او سکوت کلچر مات کړئ!
