جواد څارګر
شپاړس کاله وړاندې په همدې ورځ د امریکا دوه سترې او اسمانڅکې، تجارتي ماڼۍ ونړول شوې.
ظاهراً بریښي چې له ماڼیو سره الوتکې ټکر کوي، چې په نتیجه کې یې ماڼۍ تر بیخه نړېږي، او په ودانیو کې موجود افراد وژل کېږي مګر دشپاړسو کلونو په تېرېدو، لا هم ددغو اسمانڅکو تجارتي ماڼیو نړېدل معما ده.
تر دمګړۍ القاعده هم نه ده توانېدلې چې ثابته کړي، دغه اسمانڅکې تجارتي ماڼۍ دوی نړولي.
وروستۍ څېړنې او لاسوندونه هم دا ښیي چې دنیویارک دتجارتي ماڼیو په نړولو کې القاعدې هیڅ لاس نه درلود، او یادې ماڼې دمنظم پلان له مخې امریکایانو پخپله نړولي.
په خبرو کې خبرې شته؛ امریکایانو ولې او دڅه لپاره خپلې ماڼۍ ونړولې، او تر دریو زرو پورته وګړي یې په کې ووژل؟!
دکپیټالېستانو یو اصول دا هم دی چې لږ څه وبایله، او ډېر څه ترلاسه کړه.
دبېلګې په توګه: امریکایان دداسې یوه ښار دلاندې کولو هوډ لري چې له طبعې زېرمو مالا مال دی. امریکایان ددغه ښار منابعو ته ضرورت لري مګر نشي کولای خپل ضرورتونه ترې پوره کړي
دلته دوی څو آپشنه مخې ته اېږدي چې پر مټ یې دغه ښار لاندې کول غواړي، دوی ډېر ځله له داسې آپشنونو او پلمو استفاده کوي چې په لومړیو کې یې دوی ته تاوان وي
دا ددې لپاره کوي چې عامه افکار دځان پر ګټه واړوي.
په افغانستان دبرید سره جوخت جورج بش اعلان وکړ چې موږ دترهګرو پر ضد جګړه پیل کړې، غواړو ترهګر دنړۍ له کُرې ورک کړو، او دعوه یې وکړه چې دی (یعنې جورج بُش) منځني ختیځ، او لویې اسیا ته دخدای رالېږل شوی استازی دی، ترڅو دوی ته سوله او سوکالي اعاده کړي.
خو وخت ثابته کړه چې دا درواغجنې دعوې وې، محض له طبعې زېرمو دمالا مال افغانستان لاندې کولو، او اسلامي نظام دړنګوَلو لپاره؛ اصلاً بش غوښتل په درواغجنو او مکارانو دعوو، لومړی په افغان ولس کې جهادي انګېزه ووژني، بیا یې په زېرمو ګېډه واچوي، او ددې لپاره د اسمانڅکو تجارتي ماڼیو نړوَل، یا نړېدل ښه سودا او موقع وه.
ټرمپ ښکاره وویل چې موږ نشو کولای چاته وطن جوړ کړو، موږ خپلې ګټې لرو او دخپلو ګټو دخوندیتوب لپاره، په افغانستان کې تر نامعلومې نیټې جګړه غځوو.
امریکایانو د القاعده ګوند رهبر اسامه بن لادن چې ګومان کېږي په تجارتي ماڼیو طرحه شوي برید کې یې لاس درلود، هم شهید کړ، خو جګړه لا روانه ده، تر پخوا تېزه شوې ده مګر کابو شوې نه ده.
بې طرفه امریکایي او غربي جنرالان، او څېړونکې هم په دې اند دي چې امریکایان د افغانستان په جګړه کې بایلونکي او ناحق دي.
دا سمه ده چې امریکایانو خپلو اهدافو ته درصد لپاره، زرګونه افغانان شهیدان کړل، او زرګونه یې زخمیان او بې کوره کړل، مګر هغه څه چې دوی یې غواړي او دحصول لپاره یې په افغان ولس جګړه پیل کړېده، لا هم ددوی له منګولو لېرې دي.
دنړۍ ترڅنګ افغان ولس هم پوهیدلای چې روانه جګړه د امریکایانو دګټو، او په آسیا کې درقابت جګړه ده، ځکه ورځ تر بلې د امریکا سره مخالفتونه زیاتېږي او د طالبانو لیکې قوي کېږي.
دنړۍ ډېری هیوادونه اوس په دې باور دي چې دطالبانو پر ضد پیل شوې جګړه، غیر مشروع جګړه ده او په سیمه کې دطالبانو په سیاسي قوت او سیاسي تدبر اعتراف کوي.
هیله ده په مظلوم افغان ولس د وحشي امریکایانو له لورې پیل شوې ناروا جګړه، نږدې راتلونکې کې دزهرجن امریکایي ښامار د وجود په ټوټه ـ ټوټه کېدلو پای ومومي، ان شاءالله العزیز.
