روسيې د ترکيې د مرستو موټران بمبار کړي دي
کابل ټکی کام قدرت الله حسین
د روسيې جنګي الوتکو د ترکيې پولې ته نږدې د سوريې په خاوره کې د ترکيې په مرستو بار ۲۰ موټران بمبار کړي دي.
د ترکيې اناضول خبري اژانس ليکلي دي، چې د روسي الوتکو په دې بمبار کې لږ تر لږه ۷ تنه وژل شوي دي او ۱۰ نور ټپيان دي.
اناضول خبري اژانس ليکلي دي، چې دغه موټران له هغو خوراکي توکو ډک و، چې د سوريې بې ځايه شويو ته وړل کېدل، چې تر بمبار لاندې ونيول شول.
د روسيې او ترکيې حکومتونو په رسمي توګه تر دې دمه د پېښې په اړه څه نه دي ويلي.
