سعودي کې مسافرو افغانانو ته تذکيرې ورکول کېږي
(کابل ټکی کام، ۱۳۹۶، ليندۍ ۴) په سعودي کې د افغانستان سفارت وايي، هغه هېواد کې ميشت افغانانو ته سبا د يکشنبې ورځې راهيسې د تذکرو د ويش لړۍ پېلوي.
په رياض کې افغان سفير سيد جلا کريم د يوې خبرپاڼې په خپرولو سره ويلي، چې د کورنيو چارو وزارت يو پلاوی ورغلی، څو په رياض کې په افغان سفارت او په جده کې په افغان کونسلګرۍ کې د تذکرو د ويش لړۍ پېل کړي.
نوموړي په سعودي کې ميشتو ټولو افغانانو ته چې تذکرې نه لري خبر ورکړی، څو د جوړولو لپاره يې ټاکل شويو ځايونو ته مراجعه وکړي.
