فراه چارواکي: طالبانو يوه پوسته نيولې- دوه ملي پوليس وژل شوي
(کابل ټکی کام، ۱۳۹۶، مرغومی ۷) د فراه امنيتي مسئولين وايي، طالبانو د دغه ولايت په پشترود ولسوالۍ کې په يوه پوسته بريد کړی، په ترڅ کې يې پوستې سقوط کړی او دوه ملي پوليس وژل شوي دي.
د پشت رود ولسوال غوث الدين پېښه تاييدوي وايي، په دغې نښته کې دوه پوليس وژل شوي او يو بل ټپي دی.
نوموړی وايي، د پوليسو وسلې او نور مهمات طالبانو له ځان سره وړي دي.
طالبانو د بريد مسئوليت په غاړه اخيستی وياند يې قاري يوسف احمدي په خپله رسمي ټويټر پاڼه ليکلي: (دفراه پشترود په ملا امان کلا سیمه کي پوسته فتحه ۳ پولیس قتل ۵ میله وسله دمجاهدینولاس ته ورغله)
