(کابل ټکی کام ۱۳۹۶ مرغومی ۱۸ فرید افغان)
راپورونه وایي چې تیره شپه افغان ځواکونو او طالبانو
د ترینکوټ ښار اړوند د ‹‹کفترخانې ›› سیمه کې د ملي اردو پر پوستو همهاله بریدونه ترسره کړي چې ګڼو عسکرو ته مرګ ژوبله اوښتې
افغان پوځیانو د طالبانو په پلمه د اردو پوسته په هوانونو ویشتلې، خو طالبانو له برید وروسته پر همدې سیمه کې نورې پوستې په نښه کړې.
آزادۍ رادیو د یوې امنیتي سرچینې په حوالې سره ویلي چې افغان عسکرو په غلطۍ سره د کفترخانې په سیمه کې د ملي اوردو یاده پوسته په هوانونو ویشتلې ده.
امنیتي چارواکو ویلي چې؛ د امنیتي ځواکونو د هاوان په بریدونو کې ۴ افغان سرتېري وژل شوي او ۱۰ نور ټپيان شوي دي.
سرچینو ویلي چې په همدې شپه وسلوالو طالبانو هم پر یادو پوستو ډلهییز بریدونه وکړل چې له کبله یې ۵ افغان سرتېري وژل شوي او ۱۰ نور ټپیان شوي دي
خو ځینې نورې ځایي سرچینې بیا د امنیتي ځواکونو او طالبانو په همهالې جګړه کې تر ۲۰ ډیرو پوځیانو د وژلو او لسګونو نورو د ټپي کیدو خبر ورکوي.
آزادۍ رادیو د اروزګان دچارواکو له قوله وایي، چې ددې ولایت امنیتي مسؤلین یو شمېر په دې اړه نا خبري او یو شمېر نور یې له څه ویلو ډډه کوي.
طالبانو په دې اړوند تر اوسه څه نه دي ویلي.
