(کابل ټکی کام۱۳۹۶ مرغومی ۲۱ فرید افغان)
د اکسفام نړیوالې څیړنیزې مؤسیسې په خپل تازه راپور کې ویلي چې، سعودي عربستان په یمن کې پیل شوي عملیات ۱۰۰۰ زرو ورځو ته ورسیدل چې په دې موده کې د زرګونه کسانو د وژلو سربیره سلګونه ښوونیزې ادارې هم په کنډوالو بدلې شوې.
اکسفام موسسه چې په نړۍ کې د ښوونې او روزنې تر څنګ د فقر بې عدالتي او نور مواردو په مخنیوي کې کار کوي ویلي، په یمن کې د سعودي په مشرۍ د پیل شویو عملیاتو په ترڅ کې ۱۶۰۰ ښوونځي نړیدلي او سلګونه زره ماشومان له زدکړو بې برخې دي.
د الجزیره تلویزوني شبکې بیا د ویجاړو شویو ښوونځیو شمیر ۱۴۰۰ ښوودلی او په وینا یې چې له همدې کبله 1.400.000 زدکونکي له زدکړو بې برخې شوي دي.
بل پلو ۷۰ سلنه یمني ښوونکو ته د حوثي ملیشو او سعودي ځواکونو تر واکمني لاندې سیمو کې له یو کال راهیسې میاشتنۍ تنخوا نه ده ورکړل شوې.
سعودي د ۱۳۹۴ کال په لومړیو کې د عرب ایتلاف په مشرۍ پر یمن برید وکړ چې په دې موده کې سلګونه زره یمنیان ووژل شول، میلیونونه کډوالۍ ته اړشو او لا هم ۳ میلونه یمنیان له سختې لوږې او مختلفو ناروغیو څخه کړیږي.
د یمن جګړه لا هم روانه ده او سعودي اوس د حوثیانو دحملو له ویرې له اسرایلو څخه د توغندي ضد سیستم رانیسي.
همداراز سعودي په دې هیواد کې پر جګړو د سلګونو میلیارد مصارفو ورسته د سختې اقتصادي انزوا څخه کړیږي چې اوس هڅه کوي دا تشه دخپل هیواد دمیلونرانو او میلیاردرو کسانو په نیولو د هغوی له شخصي شتمنیو څخه پوره کړي
