سيم کارت لرونکي بوټان
(کابل ټکی کام، ۱۳۹۶، سلواغلې ۸) د E-vone په نوم يوه فرانسوي شرکت داسې بوټان جوړ کړي چې سيم کارت پکې لګول کېږي.
د دغې شرکت مسئولين وايي، چې دغه بوټان يې د کمزورو او بوډاګانو خلکو لپاره جوړ کړي او سيم کارت يې د دې لپاره پکې لګولی چې د غورځېدلو پر وخت يې کورنۍ يا دوستانو ته خبر ورکولی شي.
دوی وايي، کله چې د بوټانو پښو کوونکی کس ولوېږي نو په اتومات ډول په بوټانو کې د لګول شوي سيم کارت له لارې د هغه کورنۍ يا دوستانو خبر ورکول کېږي.
د شرکت د معلوماتو پر اساس، دغه بوټان له لوړې درجې څرمنې څخه جوړ شوي چې بيه يې يواځې ۱۵۰ ډالره ده.
