(کابل ټکی کام ۱۳۹۶ سلواغه ۲۵ فرید افغان)
د بریتانیا چاپ ګارډین ورځپاڼې د طالبانو د وروستي لیک په هکله په خپره شوې مقاله کې ویلي، امریکایي ولس ته د طالبانو وروستی سپیناوی به ښایي ډیر مؤثر واقع شي او ښایي د امریکایي ولس په ذهنیت بدلولو کې اغیزمن تمام شي .
د ګارډین په حواله؛ طالبانو په ډیر حساس وخت کې دا لیک خپور کړی په داسې حال کې چې په دې وروستیو کې یې دوه لویې خونړۍ اغیزناکې حملې هم ترسره کړې او اوس یې له امریکایی ولس او کانګرس و غوښتل چې ددې هیواد په پارلمان فشار واچوي ترڅو امریکا خپل اشغال پای ته ورسوي او افغانان خپلې مخې ته پریږدي.
ګارډین وړاندې وایی؛ طالبانو ویلي، چې که سل کاله نور هم دا جګړه وغځیږي نتیجه به یې د ټرامپ د ماتیدونکې ستراتیژی په څیر وي چې زیان به یې ټول امریکایي ولس ګالي.
د ګارډین ورځپاڼې په خبره؛ هڅه مو وکړه ترڅو د طالبانو د وروستي لیک په تړاوو د امریکایي چارواکو نظر هم واخلو خو هغوی له څه ویلو ډډه وکړه.
ورځپاڼه د لیک په استناد وایي؛ د امریکایانو دپوځي حضور له امله د مخدره توکو کرکیله له صفر څخه ۸۷ سلنې ته پورته شوې، د فساد کچه ترټولې فاحشې کچې ته رسیدلې او په دې سربیره د امریکایي چارواکو د رسمي شمیرو ترمخه په دې ناکامه جګړه کې ۳۵۴۶ امریکایي پوځيان وژل شوي او زرګونه نور ټپیان دي، که څه هم غیر رسمي او کره شمیرې تر دې لوړې دي .
ګارډین لیکي؛ طالبانو داخط داسې مهال رسنیز کړ چې څو ورځې وړاندې یې امریکایی سناتور راندپال ته د یو ټویټ لاندې دعوت ورکړی و، تر څو قطر ته ورشي او له هغوی سره د روانې ښکیلاکګرې جګړې په باب استدلال وکړي.
ګارډین د یو امریکایي شنونکي له قوله چې نوم یې نه دی اخیستی لیکي؛ د طالبانو وروستی لیک د هغوی په تبلیغاتو کې مهم رول لري او د امریکایی ولس د ذهنیت په بدلولو کې به هم اغیزمن تمام شي.
شنونکي ویلي؛ طالبانو په دې خط سره پر هغه ځای ګوزار کړی، کوم ځای چې ډیر درد لري
