(کابل ټکی کام ۲۳۹۶ سلواغه ۲۶ فرید افغان
د روسیې د بهرنیو چارو ویاندې په احتمالي توګه منلې چې د سوریې په دیر الزور ښار کې یې د امریکایانو په بمبارۍ کې ۵ تنه اتباع وژل شوي دي.
د«اسکای نیوز» د خبر ترمخه؛ نوموړې په یاده بمبارۍ کې د لسګونو او سلګونو روسانو د وژل کیدو خبر بې اساسه بللی دی.
تر دې وړاندې د بلومبرګ ورځپاڼې د دو روسي سرچینو په حواله خبر ورکړی و، چې په دې بمبارۍ کې د روسیې ۲۰۰ ځانګړي اجیر نظامیان وژل شوي.
د بلومبرګ په وینا وژل شوي د“واګنر“په نامه د یوې روسۍ کمپنۍ اړوندان و، معلومه نه ده چې یاد شرکت خپل افراد د روسیې د دولت په رسمي غوښتنه راوستلي، او که هغه شرکت په دې هیواد کې ځانګړی فعالیت ترسره کوي .
بل پلو د اسپونتیک خبري اژانس خبر ورکړی چې په همدې دیر الزور ښار کې د روسیې ۱۵ اجیر نظامیان چې د یو خصوصي شرکت پورې تړلي و د وسلو په ډیپو کې د یوې لویې چاودنې له کبله وژل شوي دي.
اژانس ویلي، چاودنه د تلک-ماین له کبله رامنځته شوې او ډیپو په ټولییزه توګه له منځه تللی دی.
په عین حال کې په دې هیواد کې د ترکیې عملیات هم روان دي، ترکیه ادعا کوي چې د عملیاتو له پیل بیا تر اوسه یې تر ۱۵۰۰ ډیرې کردي ملیشې چې امریکا یې اکمال کوي، له منځه وړي.
روسیې پر امریکا غږ کړی چې د کرد وسلوالو له ملاتړ څخه دې لاس واخلي کنه په سیمه کې به له ترکیې سره ونښلي
