(کابل ټکی کام ۱۳۹۶ کب ۳ فرید افغان)
د ټاکنو کمیسیون پخوانی رئیس فضل احمد معنوي وایي؛ چې د غني د ټول ټیم زور هم پر عطانور نه رسیږي او له همدې امله ارګ یې هم تر ډیره غوښتنو او شرایطو منلو ته غاړه ایښې.
نوموړي ویلي چې نور د بهرنیو هیوادونو په ځانګړي توګه د جرمني هیواد غوڅ ملاتړ له ځان سره لري او په جمهوري ریاست کې د هغه هیواد د دفاع وزیر هم په څرګنده له نوموړي ملاتړ کړی وو.
معنوي زیاتوي؛ چې غني جرمنیانو ته وویل، که له عطانور څخه ملاتړ کوی؛ ښه داده چې هغه زما پرځای وټاکئ!
دا په داسې حال کې ده چې د بلخ او ارګ ترمنځ د ناندریو سلسله تر دو میاشتو هم زیاته وغځیده، عطانور ځان د دولت مامور نه، بلکه نیم واکی شریک یې بولي او له همدې امله د یو شمیر شرایطو په منلو استعفا مني هغه څه چې ارګ تر ډیره منلي او یواځې په څو محدودو نقطو کې اختلاف پرځای پاتې دی.
که څه هم اشرف غني په ځلونو ټینګار کړی چې د زور واکانو سره به هیڅ معامله ونه کړي خو د سمنګانو د والي سره وروستۍ معامله چې ویل کیږي مستقیماً له امریکایي سفارت سره خبرې شوې وې او د بلخ د والي پر وړاندې ماتې منل هغه څه دي چې ارګ یې د خلکو پر وړاندې بې باوره کړی دی.
