(کابل ټکی کام ۱۳۹۶ کب ۲۸ فرید افغان)
د روسیې ولسمشر ویلادمیرپوتین د څلورم ځل لپاره د لوی اکثریت رایو په خپلولو سره د روسیې ولسمشر شو.
نوموړي په لومړیو شمیرنو کې ۷۶،۳ سلنه خو د رایو تر کامل شمیر وروسته د ۷۵،۲ سلنه رایې په خپلولو سره په کریملین کې پاتې شو.
ویلادمیر پوتین به تر ۲۰۲۴ کال پورې د روسیې ولسمشر وي.
نوموړي تر رای اچونې وړاندې هم د خپلې کامیابي ادعا کړې وه.
لویدیځو رسنیو خبر ورکړی چې د روسیې ټاکنې له لاسوهنې خالي نه وې او زیاتې پیښې ثبت شوې چې ښیې د پوتین په ګټه درغلۍ شوې دي.
د چین ولسمشر شي جینګ پینګ د پوتین د کامیابي تر اعلان وروسته سمدستي کریملین ته د مبارکي پیغام استولی او له روسیې سره یې د اړیکو په تداوم ټینګار کړی.
