طالبان بايد متوجه وي چې امريکايي جنرالان په ځان ماسل کوي

تميم توفيق
د اشغال ضد جهت له نظامي برياوو علاوه کورني او بهرني صادقانه سياست يرغلګر او د هغوی ايتلافيان او ګوډاګيان ديوال ته درولي دي، دوی چې د مبارزينو په وړاندې هر ډول غورځې پرځې وکړې، دوی ته د ګټې په ځای يې هغوی ته فايده رسېدلې ده.
امريکايان لکه څنګه چې وايي، دلته زمونږ د هيوادو جوړولو په پار نه، بلکې د خپلو سيمه ييزو استعماري ګټو ترلاسه کولو په موخه راغلي او تر څو چې يې وس وي، دا هيواد به په اساني پرېنږدي، خو نن چې امريکايان د پاڼ او پړانګ تر منځ ګير دي، يوازې دلته د خپل پوځي شتون د دوام لپاره د بيلابيلو بهانو او سببونو پيدا کولو په لټه کې دي.
په يقين سره ويلای شو چې امريکايان به دلته د پاتې کيدو لپاره له هيڅ هم مخ ونه ګرځوي، هره بهانه چې يې په وس پوره وي او د جګړې د جاري ساتلو اړوند ورته ګټمنه وبريښي، دوی به يې پيدا کوي. هغه که د هيواد په ځينو برخو کې په بيلابيلو نومونو د ډلو ټپلو رامنځته کول وي، که د غلامانو په خپل منځ کې بې اتفاقي او کوڅه واکي نظام جوړونه وي، که په قوميت او سمت پرستي د هيوادوالو تر منځ درځ اچونه وي او که د هيوادوالو په ربړونه او آن وژنه کې وي، هم دريغ به يې نه کړي.
د ناټو د قاطع ملاتړ د ماموريت قومندان جنرال جان نيکلسن د تېرې جمعې په ورځ له بي بي سي سره په مرکه کې روسيه تورنه کړه چې له طالبانو سره آن د وسلو ورکولو تر کچې مرستې کوي، نوموړي وويل موږ پوهيږو چې روسيه دلته ښکيل ده، (موږ ليدلي چې افغان مشرانو دې مرکز (بګرام هوايي اډې) ته له طالبانو نيول شوې روسي ساخت وسلې راوړې دي، چې طالبانو ته د تاجک سرحد په اوږدو کې د قاچاقيانو په لاس رسول شوې وې.
نيکلسن دا يادونه هم وکړه چې روسيه بې ثباته کونکی فعاليت کوي، (موږ داسې کيسه وينو چې د داعش شمير ډير زيات ښيي.)
نيکلسن په دغسې بې بنسټه تورونو د هغو دلايلو کمزوري ښودلو هڅه کوي، چې په وار وار کورنيو او بهرنيو رسنيو نشر کړي دي، چې امريکايي چورلکې په شمالي ولاياتو کې د داعش جنګياليو د انتقال په حال کې ليدل شوې او دا هم په کراتو ثابته شوې ده چې امريکايي هليکوفترو د هيواد په شمالي سيمو کې داعشي جګړه مارو ته وسلې غورځولې دي، دا د سيمو خلکو ليدلي او شواهد يې هم حتی د دوی د لاسپوڅې ادارې د ولسي جرګې د وکيلانو لخوا وړاندې شوي دي.
په دې کې شک نشته چې له سيمه ييزو هيوادونو علاوه زمونږ بې دفاع او مظلوم خو پاک زړی ولس د هيواد، اسلامي او ملي ارزښتونو، د خپل ناموس، کلتور، ملي او ځاني منافعو او آن د ژوند ساتنې هيله يوازې او يوازې له اسلامي امارت څخه لري.
د اسلامي امارت صادقانه سياسي تدبر او ځيرکي، له هيواد او ولس سره رښتينې مينه او خلوص د دې سبب جوړ شوي، چې ولسي ملاتړ خپل کړي او امريکايان، هغه د چا په خبره، ديوال ته ودروي، خو په دې بايد اکتفا ونشي او طالبان بايد د ولس هيله پوره کړي.
که طالبان هغو خبرو/تورونو ته ډيره توجه واړوي، چې امريکايي جنرالان يې کوي، ډير يقين لرم چې زمونږ لوی ارمان (استقلال، ارامي او اسلامي نظام) به ډير ژر سر شي.
د بېلګي په ډول: امريکايي جنرال نيکلسن وايي چې روسيه طالبانو ته د تاجکستان پولې په اوږدو کې وسلې سپاري او د روسيې له لوري د بې ثباتۍ زياتولو په موخه داعشي جګړه ماران زياتيږي، دا ټولې خبرې د نيکلسن په ځان ماسل دی، چې طالبان بايد دې دواړو مسئلو ته انتهايي متوجه واوسي.
څه چې نيکلسن ياد کړي، روسيه نه، بلکې خپله دوی يې انجاموي؛ نو طالبان بايد هماغه سيمې وڅاري چې وسلې پکې لاس په لاس کيږي او د تير په څير يو ځل بيا پخپله د داعش په نوم جنګيالي او هغه مراکز په نښه کړي چې دغه جګړه ماران توليدوي او د استعماري اهدافو ترلاسه کولو په موخه يې په سيمو ويشي.
دا کار بايد هر هغه څوک وکړي چې په هيواد، ولس، اسلامي او ملي منافعو يې زړه درديږي، خو اسلامي امارت (طالبانو) ته بيا په دې برخه کې زيات مسؤليت راجع کيږي او د اميدونو سترګي وراوړي.
کلک باور لرم، که مجاهدين د امريکايي جنرالانو لخوا ياديدونکي تورونه او بهانې وڅاري او په خپل وخت يې مخه ډل کړي، د امريکا د استعماري موخو ترلاسه کولو پلانونه به يې په نظفه کې خونثا کړي وي، ان شاءالله.