د څلويښت کيلو سړي پنځوس منه خوله

م، نجم الرحمن (فضلي)
تاسو به هم ليدلی وي او ما هم ليدلی، البته په ويډيو يا په انځورونو کې، زه چې هر څومره ورته ځير شم اخيرنی پريکړه مې دا ده چې تر څلويښت کيلو به زيات نه وي.
او که د هندوانو په پاخه سير وتلل شي کيدای شي وزن يې نور هم کم او تر ديرشو کيلو را ورسيږي.
په خلقت کې يې څه نه وايم، ځکه چې دا د الله تعالی کار دی، البته ديته حيران پاتې يم چې خوله يې د سوی وي شوخند د اوښ ولې ورباندې وهي.
دا کس اشرف غني يادوم، دوه ورځې دمخه د ګران هيواد جنوبي ولايت پکيتا ته راغلی وو، په عين هغه موقع په کوم وخت کې چې د کندوز ولايت په دشت ارچي ولسوالۍ کې په يوه ديني مدرسه کې د دستاربندۍ په مراسمو وحشتناک بمبار روان وو غني د همدغه ولايت يو شمير قومي مخور، سپين ږيري او تجاران ځانته د دې لپاره رابللي وو ترڅو د امنيت په سمون خبرې ورسره وکړي.
افغانانو ! تاسو فکر وکړئ، سوچ وکړئ، اخير تر کومه به ويده، ناپوهه، ناخبره، سر ناخلاصي ياست، په يوه ولايت کې د امنيتي مسئلو د سمون په موخه د خلکو رابلل او په بل ولايت کې ستاسو په مظلومو بې ګناه او تنکيو بچيانو باندې د بمبار کولو امر ورکول، تاسو څه فکر کوی د غني له افغانانو سره دغه ناسته د امنيت لپاره بولی او که يې د دې لپاره بولی ترڅو معلومه کړي چې د پکتيا ولسونه په څه حال دي؟ او که د پکتيا په ولس کې يې د خوشحالی کوم څرک وليد نو سبا به په ډيره بيړه خپلو بادرانو ته د دوی د خوشحالی خبر ورسوي او بيا ليرې نده چې ډير ژر ستاسو د پکتيا خلکو تنکي ماشومان هم درته وريت او کباب کړي.
د يو شمير باوري کسانو په حواله په دغه ناسته کې کله چې د پکتيا د يو شمير احتطاف شويو تجارانو وارثانو اشرف غني ته وويل : جنابه ! تاسو خو ويل چې ته اقتصاد پوهه يې، وطن به راته آباد کړې، د نورو له محتاجې ورځې به مو وساتې، مونږ ستا په همدې خبرو وغوليدو او ووټ مو درکړ.
مونږ اوس وليدل چې تاسو په کوم ډول اقتصاد پوه ياست؟ ستاسو دغه پوهه د دنيا له نورو پوهانو سره ډير توپير لري، ځکه تاسو د حکومت بوديجه له دې ډکوی چې تاسو د خپل وطن يو شمير تجاران احتطاف کوی، له هغو بډې اخلی، بيا د هغو کمه برخه په خپلو لنډه غرو ويشی او نورې د حکومت په بوديجه کې اچوی، او بيا په ډيره ميړانه اعلان کوی چې سږ کال مو بوديجه دومره ځواکمنه شوې.
د احتطاف شويو وارثانو ورته زياته کړه : دری مياشتې کيږي په دې ولايت کې څلور پنځه تجاران احتطاف شوي، په دوی کې يو هم له دښتو يا صحراء څخه چا ندي بيولي، بلکې ټول يې د ګرديز له ښاره د امنيتي پوستو له مينځه پورته کړي، له پکتيا نيولې تر کابله مو ستاسو غل او نامشروع حکومت خبر کړی خو تر اوسه يې هيڅ ډول همکاري نده کړې او نه مو د همکاري کولو هيله ورته پيدا شوې.
زمونږ تجاران تراوسه تری تم ورک دي، يوازې دومره احوال راکول کيږي چې دومره پيسې راوړی او خپل سړی مو در خلاص کړی.
ته چې ځان زمونږ رئيس جمهور بولې او دلته د دې لپاره راغلی يې چې ستا په خبره که دلته مو امنيتي ستونزې وليدې نو حل به يې کړی، آيا دا زمونږ د تجارانو ورکه تاسو ته ستونزه نه ښکاري؟ که درته ښکاري نو عمل مو څه دی؟
د باوري کس په وينا چې د دې خبرو په آوريدو يې چټاکی خوله دومره ويړه پاتې شوه او شونډان يې داسې سره وځړيدل تا به ويل چې خوله يې پنځوس منه ده.
افغانانو ! نه د امنيتي ستونزو د حل خبرې شته، نه ستاسو د مشکلاتو د حل خبرې شته، نه د دې حکومت د دې لاسپوڅو په ضميرونو کې دومره حرکت شته چې دوی په ښمر درشي، نه دوی د دوی لپاره په واک او چوکۍ کښينول شي چې ستاسو غم وخوري، دوی ته چې هر امتياز ورکول شوی د دې لپاره ورکول شوی چې دوی صليبيانو ته ستاسو (افغانانو) د وژلو، ورکولو، ذليل کولو، رسوا کولو، تباه کولو، بې لارې کولو لارې چارې ور وښايي.
افغانانو ! که مو د الله او د هغه د رسول په حکم عمل کول په وس پوره وي چې هغه د دوی په مقابل کې فی سبيل الله جهاد دی راځئ توکل وکړی، ځانونه الله ته وسپاری، ملا وتړی او د تير په شان له همدې يرغلګر او لاسپوڅو غلامانو څخه هم خپل ګران هيواد او د ګران هيواد مسلمانان وروڼه د تل لپاره وژغوری.
او که داسې کول مو په وس نه وي پوره اقلا دومره ضرور د خپل ايمان ساتلو لپاره، د خپلې مسلمانی ساتلو لپاره، د خپل افغانيت ساتلو لپاره وکړی چې نور د دوی له نزديکت څخه ځان وساتی.
نور د دوی په تبليغاتو پسې سر مه ګرځوی، نور د دوی په هر څه بې باوره شی، نور د دوی هر عمل ته د کفري عمل په سترګو وګوری، نور د دوی هر لوظ ته د نفاق په سترګه وګوری.
نور د دوی هر کار ته د شيطاني چل په سترګه وګوری، نور د دوی سلا مشورو ته د جادوګري په سترګه وګوری، او خبردار که ځانونه مو همداسې ويده واچول ليرې نده چې هغه ورځ درباندې راشي چې بيا به مو هره ورځ د کندوز په شان په کورونو کې د وير ټغرونه غوړيدلي وي او هيڅ به مو په وس پوره نوي.