(کابل ټکی کام، ۱۳۹۷، وری ۱۶) د سمنګان ولايت په مرکز کې د يوې ترافیکي پېښې له کبله پنځو تنو ژوند له لاسه ورکړی دی.
د سمنګان د ترافيکي پېښو مديريت د حادثاتو امر سمونوال عبدالرزاق وايي، پرون ناوخته د سمنګان- بغلان په لويه لاره د يوه کرولا ډوله او ټانکر موټر تر منځ ټکر شوی چې په ترڅ کې يې ياده مرګ ژوبله رامنځته شوې ده.
نوموړی وايي، د پېښې قربانيان درې نارينه او دوه مېرمنې دي.
د عبدالرزاق په خبره، وخت ناوخت دغه ډول پېښې د موټر چلوونکو د بې احتياطۍ او د سړکونو د خرابوالي له امله رامنځته کېږي.
