(کابل ټکی کام ۱۳۹۷ وری ۱۹)
د پښتون غورځنګ مشر منظور پشتین نن په پیښور کې د دې غورځنګ لویې غونډې ته وینا وکړه چې یې د پښتنو مظلومیت، پر دې غورځنګ د ځینې تورونو سپیناوی او یو شمیر نورې خبرې وکړې.
غونډې ته د پاکستان له ګوټ ګوټ څخه لسګونه زره پښتانه راغلي و او د پښتنو پر وړاندې د حکومت له چلند څخه یې شکایت کاو.
د پاکستاني پوځ له خوا غونډې ته د وزیرستان څخه د ورتلونکو ۲۰۰ موټرو کاروان مخه هم نیول شوې وه او هغوی نه و پریښودل شوي تر څو یادې غونډې ته ورشي.
منظور وویل؛ د کراچۍ د پولیسو د مشر له نیول کیدو وروسته اوس د پاکستاني طالبانو د ویاند احسان الله احسان نوبت دی چې عدالت ته را کش کړل شي.
نوموړي د پاکستان د پوځ ترڅنګ د هغوی ضد طالبان هم جنایتکاره وبلل او زیاته یې کړه چې لازمي ده ترڅو هغوی سره هم حساب او کتاب وشي.
پشتین وویل؛ د هند د “را“ او د افغانستان د ملي امنیت په ګډون د هیڅ استخباراتي کړۍ سره لاس نه لري او یواځې د پښتنو د اواز اوچتولو هوډ لري.
راغلو کسانو د خپلو ورکو شویو عزیزانو انځورونه هم له ځان سره راوړي و او د پښتنو د آزادۍ شعارونه یې ورکول
