کندهار ښار کې د چټک غبرګون قطعې قومندان او څلور پوليس وژل شوي
(کابل ټکی کام، ۱۳۹۷، وری ۲۹) د کندهار ښار په څلورمه امنيتي حوزه کې د دغې ولايت د چټک غبرګون د قطعې پر قومندان چاودنه شوې، په ترڅ کې يې د هغه د وژل کېدو په ګډون څلور پوليس وژل شوي دي.
ځايي سرچينې وايي، چاودېدونکي توکي د قومندان حاجي جانان پر ويګو موټر کې ځای پر ځای شوي و.
د سرچينې په وينا، په چاودنه کې درې پوليس او قومندان جانان وژل شوي دي او يو شمير نور پوليس ټپيان دي.
تر اوسه د بريد مسئوليت چا په غاړه نه دی اخيستی خو په وروستيو کې طالبانو په کندهار ښار کې چريکي بريدونه او هدفي وژنو ډېرې کړي چې ورسره د امنيتي منسوبينو او چاراکو مرګ ژوبله هم زياته شوې ده.
