نعمان لطیف
دتاریخ پاڼو کې داسې وگړي ډېر کم پیدا کیږي چې دگفتار او کردار ترمنځ تضاد نه لري، دزړه خبرې په خوله راولي او په عمل کې یې پلې کوي
په عصر حاضر کې ملا محمد عمر مجاهد دداسې ځلانده وگړو له جملې څخه یو تن ؤ (رحمه الله)
ملا محمد عمر مجاهد په لږه موده کې دصادقانه گفتار او کردار له برکته په نړۍ لکه لمر وځلېد، او دعثماني خلافت تر نړېدو را وروسته لومړنی مسلمان قائد ؤ چې دشرق او غرب محکومو مسلمانانو منحیث قائد ؤمانه او تر بیرغ لاندې یې جوپه جوپه راټول شؤل
عمر مجاهد چې ددین او وطن لپاره په کوم نیت پورته شوی ؤ، تر پایه صادق په کې پاته شو
له یوه پلؤه که ملا عمر مجاهد یو پردی جنرال دوطن ور خرڅؤنې په غوښتنه، دتمامو پښتني رؤایاتو پر خلاف له خپل سترخؤانه پاڅاؤه، له بله پلوه یې ددیني ارزښتنو دساتنې په پار د یوه مسلمان په ننگ ټوله پاچاهي ځار کړه. دغه مردِ میدان نه په وطن سودابازي وکړه، نه یې دنورو غوندې ددین په نوم سوداگري ؤکړه
ملا عمر مجاهد به چې ویل: موږ تاریخ لیکونکي نه، تاریخ جوړؤنکي یو؛ په عمل کې یې ثابته کړه او افغانانو ته یې یو ویاړمن او پُر وقاره تاریخ جوړ کړ
دتاریخ په پاڼو کې دعمر مجاهد په نوم څپرکۍ به دتاریخ دپاڼو هغه څپرکۍ وي چې لؤستونکي به یې لؤستلو ته لېؤاله وي
دوی به دعمر مجاهد په ژؤندانه کې دا راز لټؤي چې هغه کوم ځؤاک ؤ چې یو نوم ورکی عمر یې له مدرسې پورته کړ، او لکه د لمر یې په نړۍ وځلاؤه او لکه د غر یې دزمانې دهر سرکښ او طاغوت مخې ته ودراؤه
بلې! داسې یو ځؤاک ؤ او شته دی چې عمر مجاهد یې مبارزې ته وهڅاؤه، او دا هغه ځؤاک دی چې عمر مجاهد ته یې ویښ او اسلامي احساس ورکړی ؤ
په عمر مجاهد دهمدغه احساس له کبله دحالاتو ناکردیو خوب خندا حرامه کړه او په تش لاس اما په پوره اخلاص یې دناؤړه حالاتو سره مقابلې ته ملا وتړله
عمر مجاهد دتاریخ هغه څېره ده چې په لمن هیڅ داغ نه لري؛ عمر مجاهد دگران هېؤاد پاشلی او ټوټه ټوټه وجود سره راټول کړ او دلاجؤردو او زمردو غله او د افغانانو په وینه مخمور پاټکیان یې یو پر بل پسې له صحنې ورک او تیت پرک کړه
ملا عمر مجاهد دسرکښو طُغاتو خلاف هغه مهال ټوپک ته لاس کړ چې افغانان زیاتي له ژؤندونه تنگ شوي ؤل، عامه او ملي شتمنۍ چور ؤې، ملي تاسیسات کنډر کنډر او دټوپکسالارانو په پوستو بدل ؤل
هر ؤلایت دزورؤاکانو ترمنځ وېشل شوی ؤ او دهر ؤاټ او سرک پر سر له افغانانو په زور او گواښ نغدي مالونه اخیستل کېدل
عمر مجاهد داسې مهال د افغان ژغورني توغ پورته کړ چې دجهاد ثمرات په اوبو لاهو ؤل، قربانیانې ضایع ؤي، دیتیمانو، کونډو او ویرجنو افغانانو په حقوقو غاصبو ټوپکمارو گېډې اچؤلې ؤې.
دهېؤاد له هر گوټ مو دمظلومو هېؤادؤالو کرېغې پورته کېدلې، په مړو مو رقصونه کېدل او پتمنو خؤېندو مو دعزت ساتلو په موخه له لؤړو ودانیو ځانونه غورځؤل، او په ټوله کې هر مشر دهېؤاد دوېشلو لپاره په پردیو سترخوانو شخؤندونه ؤهل
امیرالمؤمنین ملا عمر مجاهد رحمه الله په تورو تاریکیو کې دډوبو هېؤادؤالو په وچو شونډو هغه مهال موسکاؤې خپرې کړې چې دهېؤاد هر ذي روح سختې مایوسۍ نیولی ؤ
نه دچا مال خوندي ؤ، نه دچا هال، نه سر سلامت ؤ او نه دوطن غر
دهېؤاد په هره دره دډار فضاء حاکمه ؤه او دغیورو افغانانو په سرنؤشت مسخرې کېدلې
عمر مجاهد افغانانو ته درڼا یو څرک، او په تاریکیو کې ډوبو او سرسانده افغانانو ته دروښانه سباؤن یو زیری ؤ
عمر مجاهد په معاصره دؤره کې لومړنی ؤاکمن ؤ چې نه یې کوم مجلل قصر درلود، نه خارجي تجارتونه. نه ترې دنگې ؤدانۍ چاته میراث کې پاتې شوي دي او نه جریبونه مځکې او بې حسابه ډالرونه.
عمر مجاهد پخپل سیاسي بصیرت درک کړې ؤه چې دصلیبي خوانخؤارو په خلاف دجهادي توغ دپورته کؤلو په ضد به یې دهېؤاد ځینې علماء کرایه کیږي او بیا به دسپېڅلي جهاد په بطلان کې دیرغلگرو لپاره اسلامي احکامات تحریفؤي. هغه رحمه الله ځکه دمقاؤمت په پیل کې په علماء کرامو ږغ ؤکړ چې که دډار له وجهې دمجاهدینو مرسته نشئ کولای، لطفاً اسلامي احکامات دیرغلگرو په گټه مه تحریفؤئ
له بده مرغه هم هغه ؤشؤل دڅه په اړه چې ملا محمد عمر مجاهد رحمه الله اندېښنه درلودله؛ یو شمېر علماؤ دصلیب څنگ ونیؤه او دسپېڅلې غزا په اړه یې شکوک وزېږؤل. نتیجه دا شؤه چې رؤانه مقدسه جگړه تر کلونو وغځېده
ځینې ناخبره افغانان یې په درباري فتؤاوو تېر وتل، ددوی دنارؤا موخو او گټو دتکمیل لپاره یې دخپلو مسیحاؤ خلاف ټوپکونه پورته کړه او دمدرسې او کلیسې جگړې ته یې د افغانانو دخپلمنځي جگړې بڼه ورکړه
عمر مجاهد لکه دلمر په څېر ځلاند او بې ریا مجاهد ؤ، او لکه دغر په څېر له وقار، او حوصلې ډک مجاهد ؤ
هغه څه چې په زړه یې درلودل، په خوله به یې ویل او په عمل کې یې پلي هم کړل.
ملاعمر مجاهد که څه هم دشرق او غرب دمحکومو مسلمانو ولسونو امیر ؤ خو غریب امیر ؤ، په غربت کې لوی شوی ؤ، غریبانه ژؤند یې درلود او په داسې غریب خانه کې یې سپېڅلی روح خپل آقا او مولا ته وسپاره چې نه یې دعلاج لپاره دملت په مال، تر امریکا او جرمنې منډې ووهلې او نه یې کوم نامي ډاکتر ته مراجعه ؤکړه
عمره! ترهغو چې دنړۍ ظالمان مظلومانو ته د ارام موقع ورنکړي، محکوم ولسونه به دې دپل په تعقیب په ظالمانو خوبونه همداسې حرام وساتي
عمره! دا ته ؤې چې محکوم ته دې دظالم حاکم په ؤړاندې دږغ پورته کؤلو جرأت ورکړ او ورته ثابته دې کړه چې تش لاس دښمن نه دی بلکې اصل دښمن بې همتي او مایوسي ده.
رحمک الله یا قائد الأمة الاسلامیه
