لیکوال احمد منصور
پورتنۍ پوښتنه عام افغانان نه کوي ځکه افغانان اوس پوه شوي چې ورته مجالس او کنفرانسونه وحشي امریکایان جوړوي نو اعتماد پرې نه لری. دغه پوښتنه د حکومت پلوو افرادو په ذهنو کې تاوېږي را تاوېږي چې تر ډېر حده دغه کنفرانس ته خوشبین دي.
بل سوال دلته دا مطرح کېږي چې آیا رښتیا به په دغه کنفرانس کې هغه علماء ګډون وکړي چې په امت اسلامي کې یې فتوا قابل قدر وي؟
زما په آند نه به طالبان د دوی په فتوا روان جهاد ودروي او نه به داسې علماء پکې ګډون وکړي چې په اسلامي امت کې یې قدر وي او یا یې فتوا قابل احترام وی، هغه ځکه چې دا غونډه باید یوه میاشت دمخه شوې وې خو د ځنډولو لامل يې دا وه چې طالبانو د نړۍ د علماوو په نوم یو سرخلاصی لیک خپور کړ، روان جهاد يې پکې د قرآن او احادیثو په قوي دلایلو ثابت کړی وه او له علماوو يې پکې په کنفرانس کې د نه ګډون کولو غوښتنه کړې وه.
دغه لیک چې کله حقپالو علماوو ته ورسېد، په کنفرانس کې يې له ګډون کولو ډډه وکړه، نو امریکا مجبوره شوه چې دغې غونډې ته هغه تش په نوم علماء را وبلي کومو ته چې علماء سوء ويل کېږي او په افغاني اصطلاح کې ورته درباري ملایان وایي چې په اسلامي امت کې هیڅ قدر نه لري.
د پورتنیو حقایقو په اساس ویلی شو چې د دغو علماوو په فتوا به طالبان نه دا روان جهاد ودروي او نه به افغانان د دوی جعلي او بې دلیله فتوا ته د قدر په سترګه وګوري، اوس افغانان پوه شوي چې دغې غونډې ته به هم د سیاف او مجددي په څېر هغه علماء ورځي چې لا پخوا یې خپل ایمانونه په څو ډالرو پلورلي او په امت او ملت کې یې خپل اعتبار له لاسه ورکړی،
نو حکومت پلوي دې ورته دومره هم نه خوشحاله کېږي ځکه دغه کنفرانس به هم وزته د هیڅ درد دارو نه شي اوس افغانان پوه شوي چی اوسنۍ جګړه د مسجد او کلیسا ده او ان شاء الله چې مسجد به بریمن کېږي.
د یوه سوچه اسلامي نظام په هیله.
