(کابل ټکی کام، ۱۳۹۷، غویی ۱۷) د ملګرو ملتونو د بشري مرستو د همغږۍ اداره “اوچا” وايي، د ټولو ولايتونو کې د درېيمې دوه برخې خلک د وچکالۍ له کبله زيانمن شوي چې لسګونه زره کسانو خپلې سيمې پرېښي دي.
د يادې ادارې په تازه خپاره کړي راپور کې هرات ولايت د بېلګې په توګه یاد شوی زياتوي چې د وچکالۍ ګواښونو په دغې ولايت کې لس زره کسان بې ځايه کړي دي.
د بشري مرستو د همغږۍ اداره وايي، هغه شل ولايتونه چې وچکالۍ ځپلي له يوولس ميليونه څخه زياتو کسانو يې د ژوند د اړتيا وړ توکي له کروندو پوره کول خو زياتوي د وچکالۍ له کبله ښايي يو اعشاريه اته ميليونه کسان غدايي خونديتوب له لاسه ورکړي.
اوچا وايي، د وچکالۍ زيانمن شويو کسانو له شمېرو يو اعشاريه يو ميليون کسانو ته د مرستو برابرولو په هڅه کې دي.
په عين حال کې له طبيعي پېښو سره د مبارزې وزارت د بهرنيو اړيکو رئيس او وياند عمر محمدي وايي، د يادو شلو ولايتونو له شمېرې غور، بادغيس، فارياب، سمنګان، جوزجان، هلمند، کندهار، روزګان او زابل ولايتونه د وچکالۍ له جدي ګواښ سره مخ دي په خبره يې دغو ولايتونو ته د مرستې رسونې پلان تکميل شوی او ډېر ژر به دوه سوه متريک ټنه غنم پکې وويشل شي.
