جلال اباد ښار کې له چاودنو وروسته وسله وال بريد روان دی
(کابل ټکی کام، ۱۳۹۷، غویی ۲۳) د ننګرهار ولايت په جلال اباد ښار کې نن ماسپښين د مستوفيت تر څنګ له درنو چاودنو وروسته وسله وال بريد پيل شوی دی.
سيمه ييزې سرچينې وايي، لومړی د مستوفيت د دروازې تر څنګ موټربم بم حمله وشوه او وروسته څو وړې چاودنې وشوې او ورسره سم وسله وال کسان د مستوفيت ودانۍ ته داخل شول او ډزې يې پيل کړې.
چارواکي وايي، سيمه د امنيتي ځواکونو له لوري کلابند ده او د وسله والو د له منځه وړلو لپاره عمليات پيل شوي دي.
ويل کېږي، په چاودنو او ډزو کې ځاني تلفات اوښتي خو په اړه يې کره معلومات نه دي ترلاسه شوي.
