(کابل ټکی کام، ۱۳۹۷، غبرګولی ۱) د غزني ولايتي شوار او ولايتي چارواکي وايي، تېره شپه طالبانو د غزني ولايت په ده یک او جغتو ولسواليو بریدونه وکړل چې له لګې جګړې وروسته يې دواړې ولسوالۍ نيولي دي.
د غزني د ولايتي شورا رئيسې لطيفه اکبري وايي، په بيګانۍ جګړه کې د ده یک ولسوالۍ امنيقه قومندان فيض محمد توپان له څو عسکرو او د غزني ولايت د چټکې قطعې قومندان حاجي برکت الله هم وژل شوي دي.
ويل کېږي، حاجي برکت د طالبانو له کمين سره مخ شوی چې د هغه په ګډون ګڼ شمير عسکرو ته مرګ ژوبله اوښتې ده.
د غني د والي وياند محمد عارف نوري تاييدوي چې د طالبانو په بيګانيو بريدونو کې د تيارسئ قطعې قومندان حاجي برکت او د ده یک امنيه قومندان د وژل کېدو سربيره يوولس عسکر وژل شوي او يو شمير نور ټپيان دي.
خو د ولايت يوې بلې باوري سرچينې د وژل شويو او ټپي عسکرو له رسمي شميرو څو چنده يات ښودلی دی.
له بله پلوه طالبانو ويلي، د غزني په دوو ولسواليو او عسکرو ته د کمين ورکولو په بريدونو کې د دوو قوماندانانو په ګډون ۴۳ عسکر وژل شوي او ګڼ شمير نور ټپيان دي.
د ذبیح الله مجاهد له لوري کابل ټکی کام ته په رالېږلې خبرپاڼې کې راغلي، د جغتو په بريد کې د يادې ولسوالۍ امنيه قوماندان شجاعي ټپي، يوويشت عسکر يې وژل شوي او ولسوالۍ يې په مکمله توګه نيولې ده.
خبرپاڼه زياتوي، په بيګانۍ جګړه کې د ده يک امنيه قومندان په ګډون شپاړلس عسکر وژل شوي، د ولسوالۍ ودانۍ امنيه قومندانۍ او شاوخوا ټولې امنيتي پوستې طالبانو نيولي دي.
خبرپاڼه کې د غزني مرکز مربوط د سپنده سيمه کې په يوې پوستې د بريد یادونه شوې زياتوي چې کومک ته يې د ځانګړې قطعې قومندان برکت ورغلی خو په لاره کې د طالبانو له کمين سره مخ شوی او د هغه په ګډون ګڼ عسکر وژل شوي او يو شمير نور ټپيان دي.
وړمه ورځ طالبانو د دغه ولايت اجرستان ولسوالۍ ودانۍ او امنيه قومندانۍ له دولتي ځواکونو ونيوله.
طالبانو ويلي، چې د يادو ولسواليو، پوستو او پوځي مرکزونو کې يې په زياته اندازه سپکې او درنې وسلې، مهمات او پوځي توکي هم نيولي دي.
