سعودي (کابل ټکی سه شنبه، لېندۍ ۲۴مه، ۱۳۹۴ ل)
د العربيه خبري چينل د خبر په استناد په سعودی عربستان کې د اسلامي دولت یا داعش ډلې سره د مرستو په تور ۳۷۷ کسان نيولي دي .
د خبر له مخې د سعودي عربستان پولیسو او استخبارتي ارګانونو په ګډه دغه شکمن خلک د دغه هېواد په مختلفو برخو کې د خاصو چاڼيزو عملیاتو په لړ کې نيولي دي .
د العربیه له قوله نيول شوو کسانو کې ډيری دپاکستان، سومالیه، او افغانستان مساپر دي .
دغه راز د سعودي عرستان حکومت یو شمېر هغه افغانان نيولي کوم چې سعودي عربستان ته د حج لپاره وراغلي وه او هلته پټ وه او پرته له کوم قانوني اسنادو يې مزدوري کولې .
سلیم بریال
