په خدای که مې په دوزخ باندې پېرزو يې

فاتح افغان
عسکر جانه ، ته په غلطه لار روان يې ، تا د کفر، باطل او ظلم پلو نيولی، ته دالله جل جلاله او درسول الله صلی الله علیه وسلم ددښمنانو په چوپړ بوخت يې.
عسکر جانه ، ته په داسې لار روان يې چې هم په دنيا کې له شرم او ذلت ډکه ده، او هم به دې په آخرت کې له سترې رسوايی سره مخامخ کوي.
عسکر جانه ته د هغه چا تر څنګ ولاړ يې چې شپه او ورځ پنځه وخته لمانځه کې له رب العالمين څخه دهغوی په لارې باندې له تګ څخه پناه غواړې. غير المغضوب عليهم ولا الضالين.
عسکر جانه، خبر يې څوک چې د کفارو تر څنګ ودريږي له هغو څخه رسول الله صلی الله علیه وسلم براءت اعلان کړی.
عسکر جانه تا له هغه چا سره ملګرتيا او دوستي پيل کړې چې هره شپه په وترو کې له الله پاک سره له هغوی سره د پريکون ژمنه کوې. ونخلع ونترک من يفجرک.
عسکر جانه ، ته په خپل هيواد کې له هغو اشغالګرو کفارو دفاع کوې چې ستا بې ګناه هيواد وال بې درېغه قتلوي.
عسکر جانه، ته د هغو ظالمانو او مفسدانو ملاتړ کوې چې ستا د هيواد سوله يې تروړلې او له تيرو دوو لسيزو راهیسې يې پکې د جګړو اور بل کړی.
عسکر جانه، تا د اسلام د هغو قسم خوړلو دښمنانو ملتيا غوره کړې چې دمسلمانانو لومړی قبله يې يهودانو ته ډالۍ کړه او له يهودانو سره په ګډه د مسجد اقصی دنړولو پلانونه جوړوي.
عسکر جانه دې کفارو ته ستا ژوند هيڅ ارزښت نلري، ځکه خو هم خپله بمونه درباندې وروي، او هم ځان درباندې ساتي، نو دا ځواني دې دهغه رب په دين قربان کړه چې هم ژوند يې درکړی او هم ستا د قرباني قدرداني کوي او په مقابل کې يې تلپاتې جنتونه درکوي.
عسکر جانه، ماته دې وژل هيڅ مشکل نه دي خو په والله که مې په دوزخ باندې پېرزو يې. که په داسې حالت کې مرګ درته راشي چې د اسلام او هيواد ددښمنانو تر څنګ ولاړ يې، نو ځای دې دوزخ دی او دوزخ د ورتګ ډير بد ځای دی.
عسکر جانه، کفار تاته درواغ وايې مجاهدين ددې وطن دښمنان نه دي، بلکه ددې وطن اصيل بچيان او ساتونکي دي.
عسکر جانه ، د قيامت په سخته ورځ کې به دا ستر شيطانان له تا څخه بيزاري او برائت اعلانوي، هلته به ته ډير پښيمانه يې خو پښيمانتيا به هيڅ ګټه نه درته رسوي.
چې دقيامت په سخته ورځ دوی له تا څخه برائت اعلانوي نو له هغه وړاندې ته ترې په وخت بيزاري اعلان کړه.
عسکر جانه ، بيړه وکړه د اسلامي امارت دعفوې له اعلان څخه استفاده وکړه او له دغو اشغالګرو کفارو او ظالمانو خپله لار بيله او ددنيا او اخرت له ذلت ، هلاکت او پښيمانتيا څخه ځان وژغوره.