اسرائیلو په غزه کې ۳ سیمې بمبار کړې
(کابل ټکی کام ۱۳۹۷ غبرګولی ۱۳)
وروسته تر هغه چې اسرایلي ځواکونو د فلسطین په سرحد کې روغتیاپاله رزان النجار په مخامخ ډزو ووژله او په تعقیب یې ۸ نور فلسطیني لاریونوال هم ټپیان کړل
د فلسطین د مقاومت ډلې د اسرائیلو پر لور دوه راکټونه توغولي چې اسرائیل د یوه د شنډولو خبر هم ورکړی دی.
اسرایلی ورځپاڼې بدیعوت احرانوت ویلي؛ یهودي پوځیانو د فلسطیني راکټونو په ځواب کې پر دریو سیمو کې د مقاومت کونکو ۱۰ هدفونه په نښه کړي.
په دې حملو کې د خان یونس په لویدځه څنډه کې د عینجالوت پوځي مرکز ، د رفح ښار لویدیځ کې د حشاشین اډه همداراز د عرین، یرموګ پوځي مراکز په نښه شوي .
تر اوسه په دې بریدونو کې د سر زیان د اوښتلو راپور نه دی ورکړل شوی.
خو اسرائیلو بیا ویلي چې د فلسطینانو په بریدونو کې د دوی یو تبعه ټپي شوی دی.
د فلسطینیانو له بريد سره سم د غزې په څېرمه یهودي مېشت ځایونو کې د خطر زنګونه وهل شوي او یهودي وګړو ته ویل شوي چې له پناه ځایونو سره نژدې واوسیږي
