ښایي د راتلونکې جمعې پر ورځ د کوچني اختر لومړۍ ورځ وي
(کابل ټکی کام.۱۳۹۷ غبرګولی ۳۰)
د افغانستان مشهور ستوری پیژندونکی عبدالله کندهاری وایي چې د روانې میاشتې پر ۲۹ نیټه ماښام مهال به په سعودي عربستان سربیره په یو شمیر عربي هیوادونو کې د کوچني اختر میاشت ولیدل شي.
نوموړی زیاتوي، د پنجشنبې ورځ به د وروستیو مالوماتو په تر لاسه کولو کې مؤثر وي ، خو زیات امکان شته چې د جمعې پر ورځ اختر شي.
کندهاری زیاتوي؛ سږکال د شعبان مياشت پوره ٣٠ ورځې وه نو ښایي د رمضان میاشت ٢٩ ورځې شي.
باید وویل شي چې سږکال پاکستان هم د لومړي ځل لپاره له افغانستان او سعودي سره یوځای روژه نیولې خو اوس د هغوی وړاندوینه داده چې د راتلونکې شنبې په ورځ د کوچني اختر لومړۍ ورځ ده.
