احمد ګل ریان
د حقايقو پښو ته ټيټ شول د مقر اربکيان
ګوري موقع د پکتيکا او د شلګر اربکيان؟
د متقي سړي ليدل سړي ته خدای (ج) يادوي
د طالب يو ديدن اصلاح کړلو لښکر اربکيان
خير که ليږلی يې مډال و بشرخوره ټرمپ ته
سوکه سوکه به راويښيږي د لوګر اربکيان
د ننګرهار ولس به کينوي حساب ته ډير ژر
د نيکولسن او د ګوډي شيطان اتمر اربکيان
طالب دې اوس ورته هوښيار شي د سياست دور دی
د پيسو وږي دي، هيڅ نه دي د باور اربکيان
چې په ډالرو يې لويديځ ته ګټه ورنکړله
افغان ولس ته خو تاوان دي سراسر اربکيان
نه په هيواد، نه په ملت او نه په دين تړلي
که د پوستې دي، که د کور که د دفتر اربکيان
ځکه خو وايو چې طالبه! ورته ويښ اوسيږه
په دې ولس کې درنه بيا نشي مضمر اربکيان
له ټوپکي يې قلمي دي څو قدمه وړاندې
ريان ليدلي د فيسبوک او ټويټر اربکيان
