نعمان لطیف
بین الملل چې کله د افغانانو وژلو ته د امریکایي یرغل تر چتر لاندې خارجي پوځیان رالېږل، د سوله ساتو نوم يې پرې کېښود او په څنګ کې يې د افغانستان د طویل المدت اشغال او د افغانانو ذهني تېر ایستنې لپاره د خارجي یرغلګرو پوځیانو بربریت او وژنو ته د کومک او همکارۍ نوم ورکړ.
د جګړې له پیله داسې پلان شوې وه چې جګړه به هم کوو او په ضمن کې به ورسره فکرونه غلا کوو او اصطلاحات به تغیروو، د فکرونو د تغیر پیل د یرغلګرو لومړني مزدور واکمن حامد کرزي د یرغلګرو پوځونو جنرالانو ته د مډالونه پر ویش وکړ او هغه اعزازي مډالونه چې افغان مشرانو او جنرالانو ته د نیواکګرو پوځونو د سر کوبولو او شړلو په بدله کې ورکول کېدل، د ځوان نسل د فکري انحراف لپاره قصداً د یرغلګرو او افغان وژونکیو جنرالانو پر سینو وټومبل شول او همداسې دا لړۍ پیل او د دې ملت د فکري انحراف او تخدير لپاره په هره برخه کې پر لار واچول شوه.
همدا اندېښنه زموږ سره د اشغال په پیل کې موجوده وه چې استعمارچيان او پلویان يې، چې په اوس کې په خیاطانو مشهور دي، د افغانانو د وژنې تر څنګ د الفاظو او القابو په تغیر هم کار کوي. نن يې وینو او ګورو چې مضر اثرات يې زموږ په ځوان نسل کې ورو ورو څرګندیږي او کابو اتیا سلنه ځوانان د یرغلګرو د دغې فکري حربې ښکار ګرځېدلي دی.
اوس خبره تر دې کچې رسېدلې ده چې که هر څوک د ملا او طالب له لورې ووژل شي، د ټولو د زړه سر او اتل شي، مظالم، خیانتونه او په لوړه کچه فسادونه یې له ټولو هېر او د مېړانې خیالي او هوایي افسانې يې په ټولو خولو جاري شي.
په وروستیو کې طالبانو خپل کلک دښمن او د امریکایانو کلک ملاتړی جنرال رازق وواژه او دستي يې د وژلو مسؤلیت هم ومانه. تر دې وړاندې طالبانو رازق ته اخطار ورکړی و چې ګویا ژوندی دې نه پرېږدو او چې هر کله مو لاس درباندې بر شو، وژنو دې.
جنرال رازق د شهیدو طالبانو جسدونه په خپلو پوځي موټرو پسې کشول، اورونه يې ورته اچول او تر وروستي بریده يې د طالبانو د جسدونو توهین کاوه. همدا لامل و چې طالبانو رازق ته ګواښ وکړ او د وژلو لپاره يې له هرې ممکنې لارې د استفادې کوښښ پیل کړ.
رازق له ژوندیو طالبانو دومره وېره درلودله چې دکندهار له پوهنتون او ښار ئې هر ږیرؤر او په سنتو برابر ځوان پورته کاؤه چې بیا ئې په شخصي زندان کې شکنجه کاؤه او واژه. او ستره اتلولي ئې همدغه ؤه چې دشهید طالب جسد به ئې موټر پسې وتاړه، کش به ئې کړ، انځورونه به ئې ورسره وکېښل او درسنیو له لارې به ئې نشر کړل
تر دې ورهاخوا د عبدالرازق په ژوند کې هیڅ داسې کومه کارنامه نشته دی چې د اسلام او ملت لپاره نیکنامي او دخیر باعث وي.
اشغال اصطلاحات تغیر کړه، معیارونه ئې بدل کړه. اوس معیار نشته دی، څه چې له رسنیو او د اشغالګرو له خیاطانو واورو همهغه راته مستند لاسؤندونه شي
دا اوس چې ځینې وایي عبدالرازق دپاکستان خلاف ؤ، ازغن تار ئې نه پرېښود، او په همدې ئې له ژوند لاس پرېمنځه دوی پر خپلو عقلونو ملنډې وهي، ځان پورې خندا کوي. رازق دهغه نظام مخکښ جنرال ؤ چې په ډیورنډ لائن ئې سودا کړې ده
تر دې بعد اتلواله دا نه ده چې دنظام برحاله جنرال پاته شې، دشخصي ملېشو پر مټ ورځ نیمه کش کړپ جوړ کړې او دځان مشهورتیا لپاره دخواله رسنیو له لارې عامه توجو جلب کړې
رازق به هغه وخت اتل وای چې استعفاء ئې وړاندې کړی وای او دخاورې پلورونکي ئې( که خارجیان دي او یا داخلیان) په ارګ کې په دا ککره ویشتلی وای
تاسو ددي اتل! پس منظر لیږ وپلټئ که چېرې ئې د افغان ملا، طالب، ږیرور او په سنتو برابر ځوان دوژلو مقابل کې ئې دپنجاب له مزدورو نشنلستانو اشاره او شاباش نه وي اخیستې مخ مې تور کړئ. که ئې د افغان پتمن مسلمان عظمت او عصمت دیرغلګرو جنرالانو پښو ته غورځولی او نڅولای نه وي په خره مې سپور کړئ
لقمان کلی او جانګیر کلی چې اوسیدونکیو ئې اوس پاکستاني تابعیتونه اخیستي دي، چا او دچا په سلا، مشوره او منځګړتوب په پنجاب خرڅ کړ؟!
که ومنو چې امریکایانو له منځه یؤړ؛ اتل او مېړنی داسې څوک کيدلای شي چې په خپله خاوره او خپل دفتر کې ئې خارجی جنرال ووژني؟
زموږ اتلان هغه څوک کیدلای شي چې یرغلګر جنرالان ئې وژلي دي او ددیني او ملي ارزښتونو دساتنې لپاره ئې تر وطن زرګونه کیلومتره وړاندې ددې خاورې دښمنان وژلي دي
موږ باید دغربي رسنیو په جال کې دومره ګیر نشو چې له خپل تاریخ، او خیر او شر څخه نا خبره او غافل شو او څه چې له رسنیو اورو او وینو همهغه بې له فکره په ذهن کې کښېنوو
رازق زموږ لپاره اتل نه ؤ، عار ؤ، تاریخي شرم ؤ، موږ له تاریخي شرم دځان ژغورلو په پار خپل شرم ختم کړ. همدا زموږ دتاریخ برخه ده چې موږ خپل غداران وژنو او خپل شرم خپله خوندي کؤو
زموږ تاریخ دا نه دی چې زموږ غداران بل چا راته وژلي دي، دا زموږ لپاره شرم دی، بلکې ملي خیانت باله شي. موږ غیور ملت یو او خپل غداران مو خپله وژلی دي او وژنو ئې او همدا زموږ د ویاړمن تاریخ سپین باب دی
